27 مامىر, 14:42 1413 0 ءبىلىم انار لەپەسوۆا

جوو اقىسىن تولەۋ ءۇشىن ستۋدەنتتەرگە جەڭىلدەتىلگەن نەسيە بەرىلەدى – پرەزيدەنت

قاسىم-جومارت توقاەۆ ەلىمىزدە جوعارى ءبىلىمنىڭ قولجەتىمدىلىگىن ارتتىرۋ ءۇشىن ستۋدەنتتەرگە جەڭىلدەتىلگەن نەسيە بەرۋدى ۇسىندى.

مۇنداي ۇسىنىستى پرەزيدەنت ۇلتتىق قوعامدىق سەنىم كەڭەسىنىڭ ءۇشىنشى وتىرىسىندا ايتتى.

«ەڭ ماڭىزدى ماسەلە - جوعارى ءبىلىمنىڭ قولجەتىمدى بولۋى. مەملەكەتتىك ءبىلىم گرانتتارىن ءبولۋ جۇيەسىندە اۋقىمدى الەۋمەتتىك قۇرامدى قاراستىرۋ كەرەك دەپ سانايمىن. ياعني، ۇمىتكەردىڭ وقۋ جەتىستىكتەرىنە عانا ەمەس، ونىڭ الەۋمەتتىك-ەكونوميكالىق جاعدايىنا دا نازار اۋدارۋ كەرەك»، - دەدى مەملەكەت باسشىسى.

سونداي-اق، پرەزيدەنت الەۋمەتتىك ءالسىز ساناتقا جاتاتىن تالاپكەرلەرگە قولداۋ كورسەتۋدىڭ تەتىكتەرىن جولعا قويۋ قاجەتتىگىن اتاپ ءوتتى.

«از قامتىلعان وتباسىلار ءۇشىن، ازاماتتار مەن جاستاردىڭ الەۋمەتتىك ءالسىز ساناتتارى ءۇشىن گرانت سانىن كوبەيتۋ ماسەلەسىن قاراستىرۋ كەرەك. جوعارى ءبىلىم اقىسىن تولەۋ ءۇشىن جەڭىلدەتىلگەن نەسيە بەرۋ - قولداۋدىڭ تاعى ءبىر ءتۇرى بولار ەدى. ۇكىمەتتەن، سونداي-اق ۇلتتىق كەڭەس مۇشەلەرىنەن وسى ماسەلە بويىنشا ءوز ۇسىنىستارىن بەرۋدى سۇرايمىن»، - دەدى ق. توقاەۆ.

ايتا كەتەيىك، بۇعان دەيىن پرەزيدەنت ۇكىمەتكە جوو وقىتۋشىلارىنىڭ جالاقىسىن كوبەيتۋدى تاپسىردى.

سونداي-اق، مەملەكەت باسشىسى ۇستازداردىڭ جالاقىسىن كەزەڭ-كەزەڭمەن ارتتىرىپ، ۋنيۆەرسيتەتتەردىڭ ماتەريالدىق بازاسىن نىعايتۋ ماقساتىندا ەلىمىزدە گرانت قۇنى 3 ەسە كوبەيەتىنىن ايتتى.

سوڭعى جاڭالىقتار