27 مامىر, 13:57 581 0 ءبىلىم انار لەپەسوۆا

ەلىمىزدە ءبىلىم گرانتتارىنىڭ قۇنى 1 ملن تەڭگەگە دەيىن كوبەيەدى

ەلىمىزدە ءبىلىم گرانتتارىنىڭ قۇنى 3 ەسە ارتادى. بۇل تۋرالى پرەزيدەنت ۇلتتىق قوعامدىق سەنىم كەڭەسىنىڭ وتىرىسىندا ايتتى. 

«دارىندى جاستاردىڭ شەتەلگە كەتۋ ماسەلەسىنە ەرەكشە نازار اۋدارعان ءجون. مۇنىڭ بىرنەشە سەبەبى بار. ونىڭ ءبىرى – جوعارى ءبىلىم بەرۋ جۇيەسىنىڭ باسەكەگە قابىلەتسىزدىگى. ارينە بۇل قوسىمشا ينۆەستيتسيانى تالاپ ەتەدى. وسىعان وراي ءبىز ءبىلىم گرانتتارىنىڭ ورتاشا قۇنىن 340-420 مىڭ تەڭگەدەن 1 ميلليون تەڭگەگە دەيىن كوبەيتۋ تۋرالى شەشىم قابىلدادىق. ياعني، گرانت قۇنى ءۇش ەسە ارتادى. سول ارقىلى وقىتۋشىلاردىڭ جالاقىسىن كەزەڭ-كەزەڭمەن ارتتىرىپ، ۋنيۆەرسيتەتتەردىڭ ماتەريالدىق بازاسىن نىعايتۋعا بولادى. بۇل – ماڭىزدى قادام. ويتكەنى گرانت قۇنى 2011 جىلدان بەرى وسكەن جوق»، - دەدى قاسىم-جومارت توقاەۆ.

ايتا كەتەيىك، بۇعان دەيىن مەملەكەت باسشىسى ۇكىمەتكە جوو وقىتۋشىلارىنىڭ جالاقىسىن كوبەيتۋدى تاپسىردى.

سونداي-اق، پرەزيدەنت مەملەكەتتىك ءتىلدى وقىتۋ تيىمدىلىگىن ارتتىرۋ ءۇشىن ءتىل كوميتەتىن ءبىلىم جانە عىلىم مينيسترلىگىنىڭ قاراماعىنا وتكىزۋ تۋرالى تاپسىرما بەردى.

 

 

سوڭعى جاڭالىقتار