27 مامىر, 12:48 409 0 ءبىلىم انار لەپەسوۆا

جوو وقىتۋشىلارىنىڭ جالاقىسى كوبەيەدى – ق.توقاەۆ

ەلىمىزدە جوو وقىتۋشىلارىنىڭ جالاقىسى ارتادى. بۇل تۋرالى مەملەكەت باسشىسى قاسىم-جومارت توقاەۆ مالىمدەدى. 

«قازىرگى تاڭدا كوپشىلىك وقىتۋشىلاردىڭ ەڭبەگى قانشالىقتى ماڭىزدى ەكەنىن ءتۇسىندى دەپ ويلايمىن. ءبىز «پەداگوگتار مارتەبەسى» زاڭى اياسىندا مۇعالىمدەردى ىنتالاندىرۋ شارالارىن قاراستىردىق. بىراق ءىس جۇزىندە جوو جالاقىسى مەكتەپ مۇعالىدەرىنىڭ جالاقىسىنان از بولىپ قالدى. وسىعان وراي، ۇكىمەت جوو وقىتۋشىلارىنىڭ ەڭبەكاقىسىن كوبەيتۋ ماسەلەسىن قاراستىرۋ كەرەك»، - دەدى پرەزيدەنت ۇلتتىق قوعامدىق سەنىم كەڭەسىنىڭ وتىرىسىندا.

ايتا كەتەيىك، مەملەكەت باسشىسىنىڭ توراعالىعىمەن ۇلتتىق قوعامدىق سەنىم كەڭەسىنىڭ ءۇشىنشى وتىرىسى ءوتىپ جاتىر.

بۇعان دەيىن قاسىم-جومارت توقاەۆ پاندەميا سالدارىنان مەملەكەت قىزمەتىندە جانە قوعامدىق ءومىردىڭ بارلىق سالاسىندا تۇبەگەيلى وزگەرىستەر بولاتىنىن مالىمدەگەن.

سوڭعى جاڭالىقتار