27 مامىر, 12:10 587 0 زاڭ انار لەپەسوۆا

بولات باقاۋوۆ 3,5 جىلعا سوتتالۋى مۇمكىن

پاۆلودار وبلىسىندا بولات باقاۋوۆقا قاتىستى سوت باستالدى.

قازاقپاراتتىڭ حابارلاۋىنشا، مەملەكەتتىك ايىپتاۋشى ەلەنا بەلوۆا پاۆلودار وبلىسىنىڭ بۇرىنعى اكىمى بولات باقاۋوۆتى مەملەكەتتىك قىزمەتتە قىزمەت اتقارۋ قۇقىعىنان ءومىر بويىنا ايىرا وتىرىپ، ءۇش جارىم جىلعا باس بوستاندىعىنان ايىرۋدى سۇرادى.

باستى سوت پروتسەسى بۇگىن ساعات 11.30-دا پاۆلودار قالاسىندا، № 2 قىلمىستىق سوتتا باستالدى.

بولات باقاۋوۆتىڭ قورعاۋشىسى اشۋربەك اشۋربەكوۆ بۇرىنعى ءوڭىر باسشىسى تەرگەۋمەن كەلىسىپ، كىناسىن مويىنداعانىن جانە كەلتىرىلگەن شىعىننىڭ ورنىن تولتىرعانىن مالىمدەدى.

بولات باقاۋوۆ بەس بالانى، ونىڭ ىشىندە ءتورت كامەلەتكە تولماعان بالانى تاربيەلەپ وتىر. سوتتالۋشىنىڭ قورعاۋشىسى باقاۋوۆتىڭ مۇلىگىنە سالىنعان تىيىمدى الىپ تاستاۋدى ءوتىندى.

پروتسەسس ءموبيلدى بەينەكونفەرەنتسيا ارقىلى ءوتىپ جاتىر، سوتتالۋشى باقاۋوۆ، مەملەكەتتىك ايىپتاۋشى، قورعاۋشى جانە باق وكىلدەرى ونلاين قوسىلدى. سوتتالۋشى مەن ونىڭ قورعاۋشىسى، پروكۋرور ولاردىڭ بەينەلەرىن باق بەتتەرىندە قولدانۋعا قارسىلىق بىلدىرمەدى.

 

سوڭعى جاڭالىقتار