27 مامىر 2020, 10:00 696 0 جاھان انار لەپەسوۆا

يتاليادا باسسەيندەر مەن فيتنەس-ورتالىقتار اشىلدى

يتاليادا باسسەيندەر مەن فيتنەس-ورتالىقتاردىڭ جۇمىسى جانداندى.

يتاليا – الەمدەگى ىندەتتەن ەڭ كوپ زارداپ شەككەن مەملەكەتتەردىڭ ءبىرى. ەلدە 231 مىڭنان اسا ادام كوروناۆيرۋس جۇقتىردى. ولاردىڭ 32 955-ءى قايتىس بولدى.

ىندەتتىڭ تارالۋ قارقىنى تومەندەي باستاعاندىقتان، يتاليالىقتار بىرتىندەپ قالىپتى ومىرگە ورالۋدا. ەكى ايلىق ۇزىلىستەن سوڭ اشىلعان فيتنەس-ورتالىقتار مەن باسسەيندەر سانيتارلىق نورمالاردى قاتاڭ ساقتاۋعا مىندەتتەلگەن. يتاليانىڭ ءجۇزۋ فەدەراتسياسى باسسەينگە ءبىر ۋاقىتتا 44 ادامدى كىرگىزۋگە رۇقسات بەردى.  الايدا جاڭا ەرەجە لومبارديا قالاسىنا قاتىستى ەمەس. ويتكەنى وندا ىندەتتىڭ جاڭا وشاعى انىقتالعان.

ايتا كەتەيىك، 3 ماۋسىمنان باستاپ يتاليالىقتارعا ەل ىشىندە ساياحاتتاۋعا رۇقسات بەرىلدى.

مەملەكەت 2020 جىلدىڭ سوڭىنا دەيىن شەتەلدىك تۋريستەرگە شەكاراسىن اشپايتىنىن مالىمدەدى.

سوڭعى جاڭالىقتار