26 مامىر, 17:03 611 0 جاڭالىقتار اسىل تۇمار

مەملەكەت باسشىسى ەسەپ كوميتەتىنىڭ توراعاسىن قابىلدادى

مەملەكەت باسشىسى رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ توراعاسى ناتاليا گودۋنوۆانى قابىلدادى، – دەپ حابارلادى اقوردانىڭ رەسمي سايتى.

قازاقستان پرەزيدەنتىنە ەلىمىزدەگى كوروناۆيرۋس پاندەمياسىنا قارسى كۇرەس شارالارىنا بولىنگەن قارجىنىڭ جۇمسالۋىنا مونيتورينگ جۇرگىزۋ جۇمىستارى جايىندا باياندالدى.

ەسەپ كوميتەتى باسشىسىنىڭ ايتۋىنشا، قارجى شىعىندارىن باقىلاۋ ەكى كەزەڭنەن تۇرادى. ءبىرىنشى كەزەكتە قارجى مينيسترلىگىمەن بىرلەسىپ، مەملەكەتتىك ساتىپ الۋلار مەن كامەرالىق باقىلاۋعا تەكسەرىس جۇرگىزىلەدى. ەكىنشى كەزەڭدە ەسەپ كوميتەتى ەلىمىزدىڭ 17 وڭىرىنە بيۋدجەتتىك باعدارلامالاردىڭ اكىمشىلەرىنە رەۆيزيا جاسايدى.

قاسىم-جومارت توقاەۆ دەنساۋلىق ساقتاۋ سالاسىنا، جۇمىسپەن قامتۋ جول كارتاسىن جۇزەگە اسىرۋعا، حالىقتىڭ الەۋمەتتىك ءالسىز توپتارىن قولداۋعا باعىتتالعان بيۋدجەت قارجىسىنىڭ ماقساتتى جۇمسالۋىن قامتاماسىز ەتۋ جۇمىستارىن جالعاستىرۋدى جانە تەكسەرىس ناتيجەلەرى تۋرالى تۇراقتى تۇردە ەسەپ بەرىپ تۇرۋدى تاپسىردى.

سونىمەن قاتار مەملەكەت باسشىسى 2019 جىلعى رەسپۋبليكالىق بيۋدجەتتىڭ اتقارىلۋى جايىنداعى قورىتىندى ەسەبىمەن تانىستى. ەسەپ كوميتەتى ءبىرىنشى رەت بيۋدجەتتىڭ جيىنتىقتالعان قارجىلىق ەسەبى بويىنشا اۋديت جۇرگىزگەن بولاتىن.

كەزدەسۋ قورىتىندىسى بويىنشا پرەزيدەنت بىرقاتار ناقتى تاپسىرما بەردى.

سوڭعى جاڭالىقتار