26 مامىر, 10:31 334 0 جاڭالىقتار اسىل تۇمار

COVID-19: شىمكەنتتە سالىنىپ جاتقان گوسپيتال 1 ماۋسىمدا پايدالانۋعا بەرىلەدى

شىمكەنتتە سالىنىپ جاتقان جۇقپالى اۋرۋلارعا ارنالعان گوسپيتال 1 ماۋسىمدا پايدالانۋعا بەرىلەدى. بۇل تۋرالى قالا اكىمى مۇرات ايتەنوۆ ونلاين بريفينگ كەزىندە مالىمدەدى.

قالا اكىمىنىڭ ايتۋىنشا، اتالعان ەمدەۋ نىسانى 200 ورىنعا لايىقتالعان. ونىڭ قۇرىلىسىنا 5,8 ملرد تەڭگە قاراستىرىلعان.

«قالا اكىمدىگى رەزەرۆىنەن كوروناۆيرۋسكە قارسى شارالارعا 1,2 ملرد تەڭگە قارجى باعىتتالعان. ونىڭ ىشىندە، مەديتسينالىق مەكەمەلەردىڭ ماتەريالدىق-تەحنيكالىق بازاسىن نىعايتۋعا 501 ملن تەڭگە ءبولىندى. سونىمەن قاتار، قاۋپى جوعارى مەكەمەلەردە قىزمەت ەتەتىن مەديتسينا قىزمەتكەرلەرىن قارجىلاي قولداۋ شارالارى دا جۇرگىزىلۋدە. ماسەلەن، 1, 2, 3 تاۋەكەل توپتاعى 2 764 مەديتسينا قىزمەتكەرىنە ناۋرىز-ءساۋىر ايلارىندا 799 ملن تەڭگە ۇستەمەاقى تولەندى. ودان بولەك، دەمەۋشىلەردىڭ ەسەبىنەن 752 قىزمەتكەرگە 42 ملن تەڭگەگە قارجىلاي كومەك كورسەتىلگەن»، – دەدى شاھار باسشىسى.

ال، ناۋقاستارمەن جاقىن بايلانىستا بولعان مەديتسينا قىزمەتكەرلەرىن وقشاۋلاۋ ماقساتىندا تەگىن 6 قوناق ءۇي جانە جۇمىسىنا تاسىمالداۋعا 120 اۆتوبۋس ۇيىمداستىرىلىپ وتىر.

سوڭعى جاڭالىقتار