25 مامىر, 17:05 359 0 جاڭالىقتار اسىل تۇمار

COVID-19: ءتورت ەمحانا كارانتينگە جابىلدى

سۋرەت عالامتوردان الىندى
سۋرەت عالامتوردان الىندى

بقو تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى باسشىسىنىڭ ورىنباسارى نۇرلىبەك مۇستاەۆتىڭ ايتۋىنشا، ورال قالالىق باس مەملەكەتتىك سانيتارىنىڭ قاۋلىسىنا سايكەس №2, №3, №4 جانە №5 ەمحانادا ۋاقىتشا كارانتين جاريالاندى.

«بۇل مەكەمەلەرگە كوروناۆيرۋس جۇقتىرعان ناۋقاستار كەلىپ، قىزمەتىنە جۇگىنگەن. قازىرگى ۋاقىتتا زالالسىزداندىرۋ جۇمىستارى تولىقتاي جۇرگىزىلدى. ەمحانا قىزمەتكەرلەرىنەن الىنعان تەست تەرىس ناتيجە كورسەتكەن جاعدايدا اتالعان مەكەمەلەر قايتا اشىلاتىن بولادى. دەگەنمەن جەدەل جاردەم مەكەنجايلار بويىنشا قىزمەت جاساي بەرەدى»، – دەدى ن.مۇستاەۆ.

وبلىستا بارلىعى 93 اۋرۋ وشاعى تىركەلىپ، ناۋقاستارمەن 1115 ادامنىڭ، سونىڭ ىشىندە 597-ءسىنىڭ جاقىن بايلانىستا بولعانى انىقتالدى. وڭىردە ىندەتكە قارسى كۇرەس جالعاسۋدا. وبلىستا 414 ناۋقاس انىقتالسا، سونىڭ 377-ءسى ورال قالاسىنىڭ ۇلەسىنە تيەدى.

سوڭعى جاڭالىقتار