25 مامىر, 16:32 6410 0 جاڭالىقتار اسىل تۇمار

بلوكپوستتاعى كولىك اپاتىنان زارداپ شەككەن ءۇشىنشى پوليتسەيدىڭ جاعدايى اۋىر

سۋرەت عالامتوردان الىندى
سۋرەت عالامتوردان الىندى

الماتىداعى بلوكپوستاعى جول اپاتىنان تاعى ءبىر پوليتسيا قىزمەتكەرى زارداپ شەكتى، – دەپ جازدى قازاقپارات.

الماتى قالالىق پوليتسيا دەپارتامەنتى ءباسپاسوز قىزمەتىنىڭ مالىمەتىنشە، زارداپ شەككەن ەر ادام ەسىرتكى بيزنەسىنە قارسى كۇرەس باسقارماسىنىڭ قىزمەتكەرى ەربۇلان سەيدازىم.

«ەربۇلان سەيدازىم پلانشەتپەن ءوتىپ جاتقان كولىكتەردى تەكسەرىپ تۇرعان. BMW جۇرگىزۋشىسى بەتونعا سوعىلعاندا، پليتالاردىڭ ءبىرى ۇشىپ قىزمەتكەرگە تيگەن. تاعى ءبىر بولجام بويىنشا، جۇرگىزۋشى ءبىرىنشى ەربۇلاندى قاعىپ، سودان كەيىن، پوليتسيا كولىمەن سوقتىعىسقان. قىزمەتكەرگە قاتىستى بىرنەشە بولجام بار. تەرگەۋ جانە ەكسپرەتيزا كەزىندە ءبارى بەلگىلى بولادى»، – دەپ حابارلادى پوليتسيا وكىلدەرى.

قازىرگى تاڭدا ول №7 قالالىق كلينيكالىق اۋرۋحاناسىنىڭ جانساقتاۋ بولىمىندە جاتىر. جاعدايى وتە اۋىر دەپ باعالانۋدا.

ەسكە سالايىق، بۇگىن 25 مامىردا تاڭعى ساعات 05:26-دا BMW ماركالى كولىكتىڭ 1992 جىلعى جۇرگىزۋشى ماس كۇيىندە بلوكپوستاعى پوليتسيا كولىگىنە سوعىلدى. سونىڭ سالدارىنان ەكى پوليتسيا قىزمەتكەرى كوز جۇمدى.

سوڭعى جاڭالىقتار