25 مامىر, 14:29 444 0 جاڭالىقتار اسىل تۇمار

مەكتەپ بىتىرگەن سوڭ بىردەن وقۋعا تۇسە المادىم – ءبىلىم ءمينيسترى

قر ءبىلىم جانە عىلىم ءمينيسترى اسحات ايماعامبەتوۆ مەكتەپ بىتىرۋشىلەرىنە، كوللەدج بەن ۋنيۆەرسيتەت تۇلەكتەرىنە ءسات ساپار تىلەدى.

مينيستر Facebook پاراقشاسىندا جاريالانعان قۇتتىقتاۋىندا: «2020 جىلدىڭ تۇلەكتەرىنە جەكە توقتالعىم كەلەدى. قۇرمەتتى، مەكتەپ بىتىرۋشىلەر، كوللەدج بەن ۋنيۆەرسيتەت تۇلەكتەرى! اركىم بولاشاعىنىڭ جارقىن بولعانىن ارماندايدى. سىزدەر مىقتى عالىم، تابىستى كاسىپكەر عانا ەمەس، ادامگەرشىلىگ زور جاقسى ادام، بيلىك تۇلعا بولاتىندىقتارىڭىزعا سەنىمدىمىن. تاۋەكەلگە بارۋ ارقىلى عانا اركىم ءوزى ارمانداعان ماماندىقتىڭ يەسى بولا الادى. ەڭ باستىسى مۇمكىندىكتەردى پايدالانا ءبىلۋ كەرەك. ەش قورىقپاڭىزدار. العان بەتتەن قايتپاۋ وتە ماڭىزدى ەكەنىن ءوز باسىم بىلەمىن. ناقتى قادام جاساپ، ويىڭىزداعىنى ىسكە اسىرۋ كەرەك»، – دەپ جازدى.

ءبىلىم باسشىسى مەكتەپ بىتىرگەننەن كەيىن بىردەن ۋنيۆەرسيتەتكە وقۋعا تۇسە الماعانىن ايتىپ، بيىلعى تۇلەكتەردى ۇلتتىق بىرىڭعاي سىناق كەزىندە قاتتى قوبالجىماۋعا شاقىردى.

«مەن مەكتەپ بىتىرگەن سوڭ بىردەن وقۋعا گرانتقا تۇسە المادىم. ودان ۇيالۋدىڭ ەش قاجەتى جوق. مەنىڭ الدىمدا ەكى تاڭداۋ بولدى. ءبىرىنشىسى - اقىلى تۇردە وقۋ، ەكىنشىسى – 1 جىل دايىندالىپ، كەيىن ۇبت-عا قايتا تاپسىرۋ. سول كەزدە 1 جىل دايىندالىپ، تەستى قايتا تاپسىرامىن دەپ شەشىم قابىلدادىم. 1 جىل ۋاقىتىمدى تاباندى دايىندىق پەن جۇمىسقا ارناپ، ناتيجەسىندە كەلەسى جىلى ارمانداعان گرانتقا قول جەتكىزگەن بولاتىنمىن»، – دەدى ول.

سوڭعى جاڭالىقتار