24 مامىر, 19:21 904 0 جاڭالىقتار اسىل تۇمار

نيۋ-يوركتەگى قازاق پوليتسەيى «الەم قاھارمانى» اتاندى

قازاقستان تۋماسى، نيۋ-يورك قالاسىنىڭ پوليتسەيى ديماش نيازوۆ بۇكىلالەمدىك بوكس كەڭەسى (WBC) اتىنان «Hero of the World award» («الەم قاھارمانى») ماراپاتىن الدى، – دەپ جازدى قازاقپارات.

«بۇكىلالەمدىك بوكس كەڭەسىنەن «الەم قاھارمانى» ماراپاتىن الدىم. WBC-گە وسىنداي ماراپاتى ءۇشىن راحمەت ايتامىن. مەن ايانباي ەڭبەك ەتىپ، جاستارعا جانە مەنى باقىلاپ وتىراتىندارعا ۇلگى بولۋدى جالعاستىرا بەرەمىن. بۇل ماراپات مەن ءۇشىن قىمبات»، – دەپ جازدى ديماش نيازوۆ Instagram پاراقشاسىندا.

بۇل ماراپات COVID-19 پاندەمياسى كەزىندە بەلسەندى جۇمىس ىستەگەن تۇرعىندارعا بەرىلەدى.

ديماش نيازوۆ – قازاقستان تۋماسى، نيۋ-يورك پوليتسەيى. ول 13 جاسىندا اقش-قا كوشىپ كەتكەن. نيۋ-يورك قالاسىنىڭ پوليتسيا دەپارتامەنتىندە جۇمىس ىستەيدى، برۋكلين اۋدانىندا پاترۋلدىك ەتەدى.

ەسكە سالا كەتسەك، ول 2017 جىلدىڭ باسىندا ۇزدىك پوليتسيا قىزمەتشىسى بولعانى ءۇشىن ماراپاتتالعان. سونداي-اق، كاسىپقوي بوكسشى.

سوڭعى جاڭالىقتار