24 مامىر, 18:45 8529 0 جاڭالىقتار اسىل تۇمار

كوروناۆيرۋسقا قاتىستى شەكتەۋ شارالارى كۇشەيدى – باس سانيتار دارىگەردىڭ قاۋلىسى

قازاقستاننىڭ باس مەملەكەتتىك سانيتار دارىگەرى ايجان ەسماعامبەتوۆا قازاقستان رەسپۋبليكاسىنىڭ حالقى اراسىندا كوروناۆيرۋس ينفەكتسياسىنىڭ الدىن الۋ جونىندەگى شارالاردى ودان ءارى كۇشەيتۋ تۋرالى قاۋلى قابىلدادى.

قر دسم تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتىنىڭ قۇجاتتىندا قازاقستانعا شەتەلدەن كەلەتىن بارلىق ادامدار 2 تاۋلىككە دەيىن COVID-19-عا زەرتحانالىق تەكسەرۋ جۇرگىزۋ ءۇشىن كارانتيندىك ستاتسيوناردا وقشاۋلاناتىنى كورسەتىلگەن.

COVID-19 اۋرۋىنىڭ بەلگىسى بار ادامدار كارانتيندىك ستاتسيونارعا ەمەس، پروۆيزورلىق ستاتسيونارعا ەمدەۋگە جاتقىزىلادى. شەكارادان وتكەن سوڭ 5 كۇننەن كەشىكتىرىلمەي پتر زەرتحانالىق تەكسەرۋدە تەرىس ناتيجە كورسەتكەن انىقتاماسى بار ادام شەت ەلدەن كەلگەن ادام ۇيدە ء(ۇي كارانتين) 14 تاۋلىك بويى وقشاۋلانادى. ۇيدە وقشاۋلاۋ ءۇشىن جاعداي بولماعان جاعدايدا كارانتيندىك ستاتسيوناردا وقشاۋلاۋ ۇسىنىلادى.

العاشقى ەكى كۇندە COVID-19-عا زەرتحانالىق تەكسەرۋ ناتيجەلەرىن العاننان كەيىن وڭ ناتيجەلى ادامدار ەمدەۋ ءۇشىن ينفەكتسيالىق ستاتسيونارعا اۋىستىرىلادى، COVID-19-عا تەرىس ناتيجەلى ادامدار 12 تاۋلىك بويى ۇيدە ء(ۇي كارانتينى) وقشاۋلانادى. ۇيدە وقشاۋلاۋ ءۇشىن جاعداي بولماعان كەزدە جەرگىلىكتى اتقارۋشى ورگان بەلگىلەگەن ءۇي-جايلاردا وقشاۋلاۋ ۇسىنىلادى.

قازاقستانعا شەت ەلدەن كەلگەن ديپلوماتيالىق وكىلدىك، كونسۋلدىق مەكەمە جانە حالىقارالىق ۇيىمدار وكىلدىگىنىڭ قىزمەتكەرلەرى جانە ولاردىڭ وتباسى مۇشەلەرى زەرتحانالىق تەكسەرىلەدى جانە 14 تاۋلىك بويى ۇيدە ءوزىن-ءوزى وقشاۋلاۋعا ء(ۇي كارانتينى) جاتادى.

اۆياكومپانيالاردىڭ ەكيپاجدارى، لوكوموتيۆ بريگادالارىنىڭ مۇشەلەرى قوڭىراۋ شالۋ ارقىلى (مۇمكىندىگىنشە بەينەقوڭىراۋ شالۋ) تۇرعىلىقتى (كەلگەن) جەرى بويىنشا مەديتسينالىق باقىلاۋعا جاتادى. ۆاحتالىق ادىسپەن جۇمىس ىستەيتىن، «تەڭىزشەۆرويل» جشس وبەكتىلەرىنەن دەموبيليزاتسيالانعان ادامدار COVID-19-عا زەرتحانالىق تەكسەرۋ جۇرگىزۋ ءۇشىن كەلگەن ورنى بويىنشا كارانتيندىك ستاتسيوناردا 2 تاۋلىككە دەيىن وقشاۋلاۋعا جاتادى، وڭ ناتيجەلى ادامدار ەمدەۋ ءۇشىن ينفەكتسيالىق ستاتسيونارعا اۋىستىرىلادى، COVID-19-عا تەرىس ناتيجەلى ادامدار 12 تاۋلىك بويى ۇيدە ء(ۇي كارانتينى) وقشاۋلانادى. ۇيدە وقشاۋلاۋ ءۇشىن جاعداي بولماعان كەزدە جەرگىلىكتى اتقارۋشى ورگاندار ايقىنداعان ءۇي-جايلاردا وقشاۋلاۋ ۇسىنىلادى.

قاۋلىنىڭ تولىق ماتىنىمەن كوميتەتتىڭ سايتىندا تانىسۋعا بولادى.

سوڭعى جاڭالىقتار