24 مامىر, 16:11 5188 0 جاڭالىقتار اسىل تۇمار

كولىگىنىڭ توبەسىنە ەكى قىزدى وتىرعىزىپ سەرۋەندەگەن ەلوردالىق 7 جىلعا كۋالىگىنەن ايىرىلدى

ماس كۇيىندە كولىك جۇرگىزگەن ەلوردا تۇرعىنى ۇستالدى. قالالىق پوليتسيا دەپارتامەنتىنىڭ مالىمەتىنشە، 24 مامىر كۇنى تاڭعى 04.30 كەزىندە 24 جاستاعى قالا تۇرعىنى ماس كۇيىندە ورتالىق ساياباقتا Lexus LX 570 كولىگىن جۇرگىزگەن.

قازاقپارات بۇگىن الەۋمەتتىك جەلىدە ەكى قىزدى Lexus LX 570 كولىگىنىڭ توبەسىنە وتىرعىزىپ العان جۇرگىزۋشى بەينەلەنگەن ۆيدەو تاراعانىن جازدى.

قالالىق پوليتسيا قىزمەتكەرلەرى جاس جىگىتتى قر اكىمشىلىك قۇقىق بۇزۋ كودەكسىنىڭ 608-بابى 1-ءبولىمى بويىنشا جاۋاپكەرشىلىككە تارتتى.

اكىمشىلىك سوتتىڭ قاۋلىسىمەن جۇرگىزۋشى 15 تاۋلىككە قامالدى. ول ەندى 7 جىل بويى كولىك جۇرگىزە المايدى. سوت ونى مۇنداي مۇمكىندىكتەن ايىردى. اۆتوكولىك ايىپ تۇراعىنا قويىلدى.

سونداي-اق ەكى جولاۋشى – كولىكتىڭ توبەسىندە وتىرعان 2000 جانە 2001 جىلى تۋعان ەكى قىز دا اتالعان كودەكستىڭ 615-بابى بويىنشا جاۋاپقا تارتىلعان.

سوڭعى جاڭالىقتار