24 مامىر, 13:43 1393 0 جاڭالىقتار اسىل تۇمار

ەرتەڭ سوڭعى قوڭىراۋ ونلاين رەجيمدە سوعىلادى

سۋرەت عالامتوردان الىندى
سۋرەت عالامتوردان الىندى

25 مامىر كۇنى ەلىمىزدىڭ بارلىق مەكتەبىندە وقۋ جىلىنىڭ اياقتالۋىنا وراي سوڭعى قوڭىراۋ ونلاين رەجيمدە سوعىلادى. بۇل تۋرالى قر ءبىلىم جانە عىلىم ۆيتسە-ءمينيسترى شولپان كارينوۆا ايتتى.

مينيسترلىكتىڭ Facebook-تەگى پاراقشاسىندا ونلاين رەجيمدە اپتا باسىندا وتكەن اپپارات جينالىسىندا ۆيتسە-مينيستر: «ءبىلىم سالاسى ءۇشىن وسى اپتا ماڭىزدى ەكەندىگىن ەسكەرە وتىرىپ، توقساندىق باقىلاۋلاردىڭ دۇرىس وتكىزىلۋىن قاداعالاۋ قاجەت. 25 مامىردا سوڭعى قوڭىراۋ مەرەكەسى مىندەتتى تۇردە ونلاين رەجيمدە وتكىزىلەتىندىگىنە نازار اۋدارتامىز. ال 3-4 ماۋسىم كۇندەرى بارلىق 11-سىنىپ تۇلەكتەرىنە اتتەستات تاپسىرۋ شارالارىن ۇيىمداسقان جانە تالاپتاردى ساقتاي وتىرىپ وتكىزۋدى ۇسىنامىز»، – دەپ اتاپ وتكەن بولاتىن.

بۇل رەتتە قر ءبىلىم جانە عىلىم مينيسترلىگى اسحات ايماعامبەتوۆ جوعارىدا اتالعان ۇسىنىستار ەلىمىزدىڭ دەنساۋلىق ساقتاۋ مينيسترلىگىمەن كەلىسىلگەندىگىن ايتتى.

«25 مامىردا ونلاين رەجيمىندە 1-10 سىنىپتارعا ارنالعان سوڭعى قوڭىراۋ سىنىپ ساباقتارىن وتكىزەمىز. جىل قورىتىندىسىن سول جەردە ءار سىنىپ بويىنشا جاساۋعا، ونى ءارتۇرلى ۋاقىتتا وتكىزۋگە بولادى. ونى اسىرا ۇيىمداستىرۋدىڭ قاجەتى جوق. ءار سىنىپ جەتەكشىسى قاي ۋاقىتتا، قالاي وتكىزەتىندىگىن ەشقانداي ەسەپسىز، سۇراۋسىز جەكە تارتىپتە وتكىزۋى ءتيىس»، – دەدى مينيستر.

اسحات ايماعامبەتوۆ 3-4 ماۋسىمدا مەكتەپ تۇلەكتەرىنە اتتەستات تاپسىرۋ شاراسى كەزىندە سانيتارلىق تالاپتاردىڭ قاتاڭ ساقتالۋى تيىستىگىنە ەرەكشە نازار اۋدارتتى.

سوڭعى جاڭالىقتار