24 مامىر, 12:13 572 0 جاڭالىقتار اسىل تۇمار

ەلىمىزدەگى ءدارى-دارمەك وندىرۋشىلەرى اراسىندا كونكۋرس باستالدى

سۋرەت عالامتوردان الىندى
سۋرەت عالامتوردان الىندى

وتاندىق فارماتسەۆتيكالىق وندىرۋشىلەرمەن 1 659 اتاۋلى ءدارى-دارمەك پەن مەديتسينالىق ماقساتتاعى بۇيىم بويىنشا ۇزاقمەرزىمدى كەلىسىمشارت جاساسۋ ءۇشىن بايقاۋ باستالدى. بۇل تۋرالى «سك-فارماتسيا» كومپانياسى مالىمدەدى.

15 ماۋسىمعا دەيىن فارماتسەۆتيكالىق وندىرۋشىلەر بايقاۋ ناتيجەسىندە ءوز ءونىمىن ەلدىڭ مەديتسينالىق ۇيىمدارىنا جەتكىزۋگە ون جىلدىق كەلىسىمشارت جاساسۋعا ءوتىنىم بەرە الادى.

قر دەنساۋلىق ساقتاۋ ۆيتسە-ءمينيسترى ليۋدميلا بيۋرابەكوۆا وتاندىق وندىرۋشىلەرگە كوپ كوڭىل بولىنەتىنىن ايتتى.

«پرەزيدەنت قاسىم-جومارت توقاەۆ ەل ەكونوميكاسى ءوزىن-ءوزى قامتاماسىز ەتۋىن ارتتىرۋى قاجەتتىگىن ايتىپ، ارنايى بۇيرىق بەردى. كوروناۆيرۋس پاندەمياسىنا بايلانىستى بارلىق مەملەكەتتىڭ وقشاۋلانۋى جاعدايىندا ەلىمىزدى جەكە قورعانىس قۇرالدارى جانە قاجەتتى ءدارى-دارمەكپەن جەتكىلىكتى تۇردە قامتاماسىز ەتۋ ءۇشىن ءوز رەسۋرستارىمىزدىڭ بولۋى قانشالىقتى ماڭىزدى ەكەنىن كورسەتتى»، – دەيدى ليۋدميلا بيۋرابەكوۆا.

«سك-فارماتسيا» اق باسقارما توراعاسى بەرىك ءشارىپتىڭ ايتۋىنشا، بايقاۋعا 1 659 اتاۋلى زات جاريالاندى، ونىڭ ىشىندە 116 ءدارى-دارمەك پەن 1543 مەديتسينالىق ماقساتتاعى بۇيىم بار.

سوڭعى جاڭالىقتار