24 مامىر, 11:27 795 0 جاڭالىقتار اسىل تۇمار

مەكتەپ بىتىرۋشىلەرگە اتتەستات كەزەكپەن بەرىلەدى

سۋرەت عالامتوردان الىندى
سۋرەت عالامتوردان الىندى

كوروناۆيرۋس ىندەتىنىڭ تارالۋى سالدارىنان ەنگىزىلگەن كارانتيندىك رەجيم تالاپتارىنا بايلانىستى ەلىمىزدە مەكتەپ بىتىرۋشىلەرگە اتتەستات كەزەكپەن بەرىلەدى.

اقمولا وبلىسى ءبىلىم باسقارماسىنىڭ مالىمەتىنشە، وڭىردە مەكتەپ ءبىتىرۋشى تۇلەكتەردىڭ سوڭعى قوڭىراۋ سالتاناتىن اتتەستات تاپسىرۋ راسىمىمەن بىرگە 3-4 ماۋسىم ارالىعىندا وتكىزۋ جوسپارلانعان.

«كارانتين تالاپتارىنا بايلانىستى ءاربىر 11-سىنىپتىڭ مەرەكەلىك شاراسىنا 40 مينۋت ۋاقىت بەلگىلەنىپ وتىر. ماسەلەن، ءبىر مەكتەپتە ءۇش 11-سىنىپ بولسا، ولاردىڭ ارقايسىسى ءوز سىنىبىمەن جانە اتا-انالارىنىڭ قاتىسۋىمەن بۇل شارانى بولەك، مەكتەپتىڭ اۋلاسىندا نەمەسە سپورت زالىندا وتكىزەدى. سونىمەن بىرگە، سالتاناتتى شارا بارىسىندا 1,5 مەتر اراقاشىقتىق ساقتالۋى ءتيىس، ياعني، مەكتەپ اكىمشىلىگى الەۋمەتتىك اراقاشىقتىقتىڭ ساقتالۋىنا ءمان بەرۋى ءتيىس»، – دەيدى ۆەدومستۆودان.

بيىل اقمولا وبلىسىندا 4515 وقۋشى مەكتەپ بىتىرەتىن بولسا، ونىڭ 297-ءى – التىن بەلگى يەگەرى، 187-ءى – ءبىلىم ورداسىن ۇزدىك اتتەستاتپەن اياقتاعالى وتىر.

سوڭعى جاڭالىقتار