24 مامىر, 10:45 368 0 جاڭالىقتار اسىل تۇمار

كارانتين رەجيمىن ساقتاماعان بىرنەشە كاسىپكەرلىك نىسان جابىلدى

سۋرەت عالامتوردان الىندى
سۋرەت عالامتوردان الىندى

تۇركىستان وبلىسىنىڭ باس مەملەكەتتىك سانيتاريالىق دارىگەرى نۇربەك نىشانوۆ وبلىس ورتالىعىنداعى بىرقاتار الەۋمەتتىك ماڭىزدى نىسانداردا پاندەمياعا قارسى ساقتىق شارالارىنىڭ ساقتالماي جاتقانىن انىقتاعان. كەيبىر نىسانداردا كارانتينگە قاتىستى قاۋلى تالاپتارى قاداعالانباعانى بەلگىلى بولدى.

وبلىس اكىمدىگىنىڭ مالىمەتىنشە، وڭىردە تۇرعىندار كارانتين تالاپتارىن ورەسكەل بۇزۋعا جول بەرۋدە.

ماسەلەن، قاۋلىعا سايكەس، قوعامدىق تاماقتانۋ ورىندارىنا تاماق جەتكىزۋ قاعيداتىمەن عانا جۇمىس جۇرگىزۋگە رۇقسات بەرىلگەن. الايدا، مونيتورينگ جۇرگىزۋ بارىسىندا تۇركىستان قالاسىنىڭ بازار اۋماعىندا جىلدام قىزمەت كورسەتەتىن 2 قوعامدىق تاماقتانۋ ورنى جانە كاۋاپ دايىنداۋ پاۆيلونى تۇرعىنداردى قابىلداپ، ادامداردىڭ كوپ شوعىرلانۋىنا جول بەرگەنى انىقتالعان.

تەكسەرۋ قورىتىندىسىمەن، كەمشىلىككە جول بەرگەن قوعامدىق تاماقتانۋ ورىندارىنىڭ جۇمىسىن توقتاتۋ تۋرالى شەشىم قابىلداندى.

نۇربەك نىشانوۆ شاھاردا ادام كوپ شوعىرلاناتىن ورتالىق بازار اۋماعىنداعى سانيتارلىق احۋالدى دا قاراپ، كاسىپكەرلەرمەن سۇحباتتاستى. ماسكا كيىپ، ارنايى سانيتايزەرلەردەن ءوتۋ ارقىلى سانيتارلىق تالاپتاردى قاداعالاۋ ەڭ الدىمەن تۇرعىنداردىڭ قاۋىپسىزدىگىن قامتاماسىز ەتۋ ءۇشىن قاجەت ەكەندىگى ەسكەرتىلدى.

قازىرگى تاڭدا وبلىس اۋماعىندا 121 ءموبيلدى توپ قاۋلى تالاپتارىنىڭ ورىندالۋىنا تۇراقتى مونيتورينگ جۇرگىزۋدە.

بۇگىنگە دەيىن وڭىردە 413 نىسان تەكسەرىلىپ، ءتۇسىندىرۋ شارالارى جۇرگىزىلگەن. ماماندار سانيتارلىق تالاپتاردىڭ ساقتالۋىنا باقىلاۋ جۇرگىزۋدى جالعاستىرا بەرمەك.

سوڭعى جاڭالىقتار