23 مامىر, 14:10 269 0 جاڭالىقتار اسىل تۇمار

اقمولادا جاڭا بيزنەس يدەيا ءۇشىن گرانت بەرىلە باستادى

سۋرەت عالامتوردان الىندى
سۋرەت عالامتوردان الىندى

اقمولا وبلىستىق ىشكى ساياسات باسقارماسى وڭىردە جاڭا بيزنەس يدەيالاردى جۇزەگە اسىرۋ ءۇشىن گرانت بەرىلە باستاعانىن حابارلادى.

ۆەدومستۆونىڭ مالىمەتىنشە، بۇگىنگى كۇنى «جاپپاي كاسىپكەرلىكتى دامىتۋ» باعدارلاماسىنىڭ ەكىنشى باعىتى شەڭبەرىندە 35 ادام گرانت الدى. ايتا كەتەيىك، بۇل جوباعا جۇمىسسىز جۇرگەندەر مەن ءوزىن-ءوزى جۇمىسپەن قامتىپ وتىرعاندار جانە شاعىن قالالاردا، اۋىلدىق جەرلەردە تۇراتىندار قاتىسا الادى.

جوباعا قاتىسۋ ءۇشىن «باستاۋ بيزنەس» جوباسى بويىنشا وقۋدان وتكەندىگى تۋرالى سەرتيفيكاتىنىڭ بولۋى ءتيىس. جىل سوڭىنا دەيىن كاسىپكەرلىك نەگىزى بويىنشا 1363 ادامدى وقىتۋ جوسپارلانعان.

شورتاندى اۋدانىنىڭ تۇرىعىنى ءازيز ماحمەد 2019 جىلى كاسىپكەرلىك نەگىزى بويىنشا ءبىلىم الىپ، «ەڭبەك» ءتيىمدى جۇمىسپەن قامتۋدى جانە جاپپاي كاسىپكەرلىكتى دامىتۋ» باعدارلاماسى بويىنشا اۆتوجۋ قۇرىلىسى ءۇشىن 4 ميلليون تەڭگە شاعىن نەسيە الدى. ناتيجەسىندە 2020 مامىر ايىندا كولىك جۋ ورنىن اشتى.

«ءوزىم سياقتى جاستارعا ايتارىم، مەملەكەت تاراپىنان ءوزىن ءوزى دامىتىپ، العا قويعان ماقساتىڭا جەتۋ ءۇشىن تاماشا مۇمكىندىك جاسالىپ وتىر. ەڭ باستىسى ماقسات قويۋ»، – دەيدى ءازيز ماحمەد.

ۆەدومستۆودان اتاپ وتكەندەي، اقمولا وبلىسىندا قازىرگى كەزدە 51 شاعىن نەسيە بەرىلگەن، جىل سوڭىنا دەيىن تاعى 750 ادامعا بەرۋ جوسپارلانعان. بىلتىر وبلىس بويىنشا بارلىعى 645 بيزنەس باستاۋى ءۇشىن قاراجات الدى.

سوڭعى جاڭالىقتار