23 مامىر, 09:07 270 0 جاڭالىقتار اسىل تۇمار

«قازگيدرومەت» ەسكەرتەدى: بۇگىن شاڭدى داۋىل كۇشەيىپ، بۇرشاق جاۋادى

سۋرەت عالامتوردان الىندى
سۋرەت عالامتوردان الىندى

23 مامىر كۇنى ەلىمىزدىڭ باتىس بولىگىندە جاۋىن جاۋىپ، نايزاعاي ويناپ، جەل كۇشەيىپ، بۇرشاق جاۋى مۇمكىن. ال ەلدىڭ شىعىس بولىگىندە جوعارى قىسىمنىڭ اسەرىنەن كۇن اشىق بولادى، – دەپ حابارلادى «قازگيدرومەت» رمك.

كاسىپورىن تاراتقان مالىمەتكە سايكەس، رەسپۋبليكادا جەل كۇشەيىپ، وڭتۇستىكتە جانە وڭتۇستىك باتىستا شاڭدى داۋىل كوتەرىلىپ، سولتۇستىكتە تۇمان تۇسەدى.

باتىس قازاقستان وبلىسىنىڭ كەي جەرىندە كۇشتى جەل تۇرىپ، بۇرشاق جاۋى ىقتيمال. كۇندىز جەلدىڭ جىلدامدىعى سەكۋندىنا 15-20 مەترگە دەيىن كۇشەيەدى.

قىزىلوردا، ماڭعىستاۋ، اتىراۋ، جامبىل، تۇركىستان، كۇندىز اقتوبە، قوستاناي، سولتۇستىك قازاقستان وبلىستارىنىڭ كەي جەرىندە جەل سەكۋندىنا 15-20 مەتر جىلدامدىقپەن ۇيتقيدى.

جامبىل وبلىسىندا كۇندىز جەلدىڭ ەكپىنى سەكۋندىنا 23 مەتر بولادى.

قىزىلوردا، ماڭعىستاۋ وبلىستارىندا شاڭدى داۋىل كوتەرىلەدى.

سولتۇستىك قازاقستان وبلىسىندا تۇندە جانە تاڭ اتا كەي جەرلەرگە تۇمان تۇسەدى.

كۇندىز الماتى وبلىسىنىڭ جالاڭاشكول اۋدانىندا جىلدامدىعى سەكۋندىنا 15-20 مەتر جەل سوعادى.

شىعىس قازاقستان وبلىسىنىڭ سولتۇستىگىندە ءورت قاۋپى ساقتالادى.

سوڭعى جاڭالىقتار