22 مامىر, 18:52 257 0 دەنساۋلىق انار لەپەسوۆا

الماتىداعى ءدامحانالاردا داستارحانعا 4 ادامنان ارتىق وتىرۋعا بولمايدى

سۋرەت ينتەرنەتتەن الىندى
سۋرەت ينتەرنەتتەن الىندى

الماتىدا 25 مامىردان باستاپ جۇمىس ىستەيتىن قوعامدىق تاماقتانۋ ورىندارىنا قانداي تالاپتار قويىلادى؟ بۇل ساۋالعا قالانىڭ باس سانيتارى جانداربەك بەكشين جاۋاپ بەردى. 

«كافەلەرگە قويىلاتىن تالاپ: ۇجىمدىق كەشتەر مەن بانكەتتەر وتكىزۋگە تىيىم سالىنادى. قوعامدىق تاماقتانۋ ورىندارىنا كەشكى ساعات 23:00 -گە دەيىن جۇمىس ىستەۋگە رۇقسات بەردىك. ەڭ باستىسى، ۇستەلدەر اراسىنداعى قاشىقتىق كەمىندە ەكى مەتر بولۋى كەرەك. داستارحانعا ءبىر وتباسى مۇشەلەرىن قوسپاعاندا، ءتورت ادامنان ارتىق وتىرۋعا بولمايدى»، - دەدى ول.

باس سانيتار تاماقتانۋ ورىندارىنىڭ قىزمەتكەرلەرى سانيتارلىق تالاپتاردى قاتاڭ ساقتاۋى ءتيىس ەكەنىن ايتتى.

«كەلگەندەرگە قىزمەت كورسەتەتىن پەرسونالدار مىندەتتى تۇردە ماسكا تاعىپ، قولعاپ كيۋ ءتيىس. ءاربىر كليەنتتەن كەيىن دەزينفەكتسيالاۋ قۇرالدارىن قولدانا وتىرىپ تازالاۋ جۇرگىزىلۋى كەرەك. سونىمەن قاتار، الەۋمەتتىك قاشىقتىق ساقتالۋى قاجەت. ءجىتى رەسپيراتورلىق ۆيرۋستىق ينفەكتسيا بار جانە قىزۋى كوتەرىلىپ تۇرعان ادامدار جۇمىسقا جىبەرىلمەيدى. مۇنىڭ ءبارىن اكىمشىلىك قاداعالاپ وتىرۋى ءتيىس. ءبىز اسحانالارداعى ءوز-وزىنە قىزمەت كورسەتۋ ءپرينتسيپىن جويدىق. دايىن تاعامدى قىزمەتكەرلەر وزدەرى جەتكىزەدى. وسى سالادا قىزمەت كورسەتەتىندەردى سانيتارلىق تالاپتى ساقتاۋعا شاقىرامىن»، - دەدى ج.بەكشين.

ەسكە سالا كەتسەك، بۇعان دەيىن قالانىڭ باس سانيتارى باستاعان ءموبيلدى توپ جۇمىسى جاندانعان كاسىپورىنداردى ارالاپ، بىرقاتار ءتارتىپ بۇزۋشىلىقتاردى انىقتاعان بولاتىن.

جانداربەك بەكشين جۇمىسىنا كىرىسكەن كاسىپكەرلەر بەكىتىلگەن سانيتارلىق تالاپتاردى  ورىنداماسا، 4 ميلليون تەڭگەگە دەيىن ايىپپۇل ارقالايتىنىن ەسكەرتتى.

ايتا كەتەيىك، شىمكەنتتە قوعامدىق تاماقتانۋ ورىندارى ازىرگە اشىلمايدى. قالا اكىمدىگى مۇنى قالادا كوروناۆيرۋس ينفەكتسياسىن جۇقتىرعاندار سانىنىڭ كوبەيۋىمەن ءتۇسىندىردى.

وتكەن تاۋلىكتە شىمكەنتتە 31 ادامنان كوروناۆيرۋس انىقتالىپ، قالادا ىندەت جۇقتىرعانداردىڭ جالپى سانى 539-عا جەتتى.

 

سوڭعى جاڭالىقتار