22 مامىر 2020, 18:10 615 0 نۇر وتان انار لەپەسوۆا

#BizBirgemiz: الماتىدا از قامتىلعان 1700 وتباسىعا 51 توننا ازىق-تۇلىك جەتكىزىلەدى

«Nur Otan» پارتياسىنىڭ الماتى قالالىق فيليالىنا از قامتىلعان وتباسىلاردان ءبىرىنشى قاجەتتىلىكتەگى ازى-تۇلىكپەن قامتاماسىز ەتۋ جونىندە كوپتەگەن وتىنىشتەر ءتۇسىپ جاتىر.

وسى ورايدا،  پارتيانىڭ الماتى قالالىق فيليالى «Metall Prom» جشس باس ديرەكتورى، پارتيا مۇشەسى ابدۋحاليل دولكۋنتايمەن بىرلەسە وتىرىپ ەلباسى، «Nur Otan» پارتياسىنىڭ توراعاسى ن. نازارباەۆتىڭ باستاماسىمەن جالعاسىپ كەلە جاتقان #BizBirgemiz اكتسياسى اياسىندا 1700 از قامتىلعان وتباسىنا 51 توننا ازىق-تۇلىك جەتكىزۋدى جوسپارلاپ وتىر. ءار وتباسىنا تابىستالاتىن 30 كەلىلىك جيىنتىقتا ۇن، ماكارون، سۇيىق ماي، كۇرىش، قاراقۇمىق پەن قانت بار.

«ەلباسى، «Nur Otan» پارتياسىنىڭ توراعاسى ن. نازارباەۆپەن جاريالانعان #BizBirgemiz اكتسياسى اياسىندا قيىن جاعداي دا قالعان از قامتىلعان وتباسىلارعا قوسىمشا كومەك كورسەتۋ ماقساتىندا قاراجات ءبولىپ، ءتيىستى كومەكپەن  1700 وتباسىن قامتۋدى جوسپارلاپ وتىرمىز. بۇل اكتسيادا Jas Otan جاستار قاناتىنىڭ ەرىكتىلەرى ىسكە قوسىلىپ، مەكەنجاي بويىنشا جەتكىزۋگە كومەكتەسىپ ءجۇر. ولار قورعانىس كوستيۋمى، مەديتسينالىق ماسكا جانە قولعاپتارمەن قامتاماسىز ەتىلگەن. Jas Otan جاستار قاناتىنىڭ الماتىلىق فيليالىنا العىسىمىزدى بىلدىرەمىز»، - دەدى د. ابدۋحاليل

ءوز كەزەگىندە وسىنداي قولداۋعا يە بولعان، اسا قاجەتتىلىكتى تالاپ ەتەتىن قىزدى تاربيەلەپ وتىرعان الماعامبەتوۆا رابيعا ەلباسىمىزدىڭ #BizBirgemiz اتتى يگى باستاماسىنا، «Nur Otan» پارتياسى مەن ەرىكتىلەرگە از قامتىلعان ازاماتتاردى قولداپ جاتقانىنا ءوز العىسىن ءبىلدىردى.

ازىق-تۇلىك تاراتۋ بارىسىندا قاجەت سانيتارلىق نورمالار ساقتالعان.

سوڭعى جاڭالىقتار