22 مامىر, 14:39 484 0 زاڭ انار لەپەسوۆا

الماتى وبلىسىندا 3 كۇندە 37 بارىمتاشى ۇستالدى

الماتى وبلىسىنىڭ پوليتسەيلەرى “مال ۇرلىعى” جەدەل الدىن الۋ ءىس-شاراسىن قورىتىندىلادى. ءۇش كۇنگە سوزىلعان ارنايى شارا بارىسىندا مال ۇرلىعىنا قاتىستى 15 دەرەك تىركەلىپ، بارلىعىنىڭ ءىزى سۋىماي اشىلدى، دەپ حابارلايدى Polisia.kz.

بۇعان دەيىن ورىن العان 30 ۇرلىقتىڭ ءمان-جايى اشكەرەلەندى. ورىن العان قىلمىستاردا 115 مال قولدى بولعان. ونىڭ ىشىندە، ءبىر جىلقى مەن 114 باس ۇساق مال بار.

ءتارتىپ ساقشىلارى ىزدەستىرۋ بارىسىندا قولدى بولعان مالدى تاۋىپ، 41 باس مالدى يەلەرىنە قايتاردى. ونىڭ ىشىندە، ءۇش جىلقى، ءبىر ءىرى قارا مەن 37 ۇساق مال بار. مال ۇرلىقتارىنا قاتىسى بار دەگەن كۇدىكپەن 37 ادام  جانە بەس قىلمىستىق توپ مۇشەلەرى ۇستالدى.

جەدەل الدىن الۋ ءىس-شاراسى بارىسىندا مال جانە ەت ونىمدەرىن ساتۋدىڭ 103 ورنى تەكسەرىلدى. 255 شارۋا قوجالىعى، قىستاقتار مەن فەرمالاردا مالدىڭ جوعالۋىنىڭ الدىن الۋ بويىنشا ءتۇسىندىرۋ جۇمىستارى جۇرگىزىلدى.

مال تاسىمالىمەن اينالىساتىن 120 اۆتوكولىكتىڭ قۇجاتتارى تەكسەرىلىپ، ەڭبەكشىقازاق جانە بالقاش اۋداندارىندا ءتيىستى قۇجاتتارسىز مال تاسىمالداۋدىڭ ەكى دەرەگى انىقتالدى.

ەستەرىڭىزگە سالا كەتەيىك، 18-20 مامىر ارالىعىندا الماتى وبلىسى اۋماعىندا “مال ۇرلىعى” جەدەل الدىن الۋ ءىس-شاراسى وتكىزىلدى. ارنايى شارانىڭ باستى ماقساتى مال ۇرلىعىنىڭ الدىن الۋ جانە بۇرىن ورىن العان قىلمىستاردى اشۋ، مال ۇرلىعىنا قاتىسى بار ادامداردى انىقتاۋ.

سوڭعى جاڭالىقتار