22 مامىر 2020, 14:18 594 0 دەنساۋلىق انار لەپەسوۆا

الماتى وبلىسىندا 6 ايلىق سابيدەن كوروناۆيرۋس انىقتالدى

سۋرەت ينتەرنەتتەن الىندى
سۋرەت ينتەرنەتتەن الىندى

وتكەن تاۋلىكتە الماتى وبلىسىندا 24 ادامنان كوروناۆيرۋس انىقتالدى. 

وبلىس اكىمدىگىنىڭ دەرەگىنشە، ناۋقاستار  - كەگەن، ىلە، ەسكەلدى اۋداندارى مەن تالدىقورعان قالاسىنىڭ تۇرعىندارى. ولاردىڭ ەڭ ۇلكەنى - 76 جاستاعى زەينەتكەر بولسا، ەڭ كىشىسى - 6 ايلىق ءسابي.

ناۋقاستاردىڭ ىندەت جۇقتىرعانى مەديتسينالىق كوميسسيادان ءوتۋ ، مەديتسينالىق كومەككە جۇگىنۋ جانە بۇرىن اۋىرعاندارمەن بايلانىستا بولعان ازامات رەتىندە تەكسەرىلۋ كەزىندە انىقتالعان.

كوروناۆيرۋسقا شالدىققاندار تالدىقورعانداعى اسكەري گوسپيتالدىڭ، قاراساي اۋداندىق اۋرۋحاناسىنىڭ، شەلەكتەگى اۋداندىق اۋرۋحانانىڭ ينفەكتسيا بولىمدەرىنە جاتقىزىلدى.

ناۋقاستارمەن 143 ادامنىڭ بايلانىستا بولعانى بەلگىلى بولدى. بارلىعى وقشاۋلانىپ، ەپيدەميولوگيالىق تەكسەرۋ جۇرگىزىلىپ جاتىر.

سوڭعى دەرەك بويىنشا، الماتى وبلىسىندا كوروناۆيرۋس ينفەكتسياسىن جۇقتىرعانداردىڭ جالپى سانى 262-گە جەتتى.

ال رەسپۋبليكا بويىنشا ىندەت جۇقتىرۋدىڭ 7597 دەرەگى تىركەلدى. 3843 ادام ەمدەلىپ شىقتى. دەرتى اسقىنعان 35 ادام قايتىس بولدى.

 

 

سوڭعى جاڭالىقتار