21 مامىر, 17:09 173 0 ادەبيەت ارايلىم بيمەنديەۆا

Bolashaq Books جوباسى جاريالاندى

Bolashaq قاۋىمداستىعى «جاستار جانە يننوۆاتسيا» جانە Bolashaq Books جوبالارىن جاريالادى.

«جاستاردىڭ يننوۆاتسيالىق بەلسەندىلىگىن دامىتۋ» جوباسىنىڭ باستى ماقساتى جاستاردىڭ ءوزىن-ءوزى تانىتۋىنا جاعداي جاساۋ. جوبانى ىسكە اسىرۋ بارىسىندا يننوۆاتسيا سالاسىنداعى تانىمال تۇلعالار، كاسىپكەرلەر جانە YPO Kazakhstan مۇشەلەرىمەن فورۋمدار مەن ماستەر-كلاسستار وتكىزىلمەك. سونىمەن قاتار بەلسەندى قاتىسۋشىلار ءۇشىن ەلدىڭ جەتەكشى كومپانيالارى مەن ورتالىق مەملەكەتتىك ورگاندارىندا تاعىلىمدامادان ءوتۋ جوسپارلانۋدا.

– كىتاپ وقۋدى حالىق اراسىندا ناسيحاتتاۋ (Bolashaq Books) جوباسىنىڭ ماقساتى كىتاپتاردى كەز-كەلگەن ادامعا ۋاقىتشا پايدالانۋعا بەرۋ ءۇشىن، قوعامدىق كىتاپ سورەلەرىن ورناتۋ ارقىلى كىتاپ وقيتىن حالىقتىڭ سانىن ارتتىرۋ، كىتاپ وقۋ مادەنيەتىن ناسيحاتتاۋ جانە ازاماتتاردىڭ ءبىلىم دەڭگەيىن كوتەرۋ، – دەپ اتاپ ءوتتى Bolashaq قاۋىمداستىعىنىڭ اتقارۋشى ديرەكتورى لاۋرا دەمەسىنوۆا.

Bolashaq Books جوباسى 2017 جىلى ىسكە قوسىلدى، بيىلعى جىلدان باستاپ جوبا ءوز اۋقىمىن كەڭەيتىپ، قوعامدىق كىتاپ سورەلەرى ەندى ەلىمىزدىڭ ءاربىر وڭىرىندە پايدا بولادى. حالىق كوپ جينالاتىن جەرلەردە كەمىندە 20 كىتاپ سورەسىن ورناتۋ جوسپارلانۋدا. جوبانى جۇزەگە اسىرۋ بارىسىندا بايقاۋ وتكىزىلەدى، جەڭىمپازدار قۇندى سىيلىقتارمەن ماراپاتتالادى.

سوڭعى جاڭالىقتار