21 مامىر 2020, 12:36 985 0 دەنساۋلىق انار لەپەسوۆا

Apple مەن Google-ءدىڭ ءونىمى: COVID-19 جۇقتىرعانداردى باقىلايتىن قوسىمشا ىسكە قوسىلدى

Apple جانە Google كومپانيالارى  COVID-19 جۇقتىرعان ادامنىڭ ورنىن حابارلايتىن ءموبيلدى قوسىمشانى ىسكە قوستى. 

جاڭا قوسىمشا الەمنىڭ دەنساۋلىق ساقتاۋ ورگاندارىنا كوروناۆيرۋستىڭ تارالۋىن قاداعالاۋعا مۇمكىندىك بەرەدى. الەمنىڭ ءتۇرلى ەلدەرىنىڭ ۇكىمەتى ەندى بۇل تەحنولوگيانى اۋرۋ جۇقتىرعان ناۋقاستاردى جانە ولارمەن بايلانىستا بولۋى مۇمكىن ادامداردى باقىلاۋ ءۇشىن قولدانا الادى، دەپ حابارلايدى Technology Review.

ماماندار Apple جانە Google كومپانيالارىنىڭ بىرلەسىپ جاساعان قوسىمشاسى پاندەميامەن كۇرەس پروتسەسىن ەداۋىر جەدەلدەتەدى دەگەن ۇمىتتە. بۇل عالامدىق الپاۋىتتاردىڭ سەرىكتەستىگى اۋرۋدى جۇقتىرۋى مۇمكىن تاسىمالداۋشىلاردى تابۋ بويىنشا اقپارات الماسۋعا مۇمكىندىك بەرەدى. وندىرۋشىلەردىڭ ايتۋىنشا، 22 مەملەكەت، سونىمەن قاتار اقش-تىڭ بىرنەشە شتاتى API-گە قول جەتكىزگەن.

Apple جانە Google دەرەگىنشە، كوراناۆيرۋسى بار ناۋقاستاردى باقىلاۋ تەحنولوگياسى پاندەميانى جەڭگەن ەلدەردە بىرتىندەپ وشىرىلەدى. مۇنداي تەحنولوگيا پاندەميا اۋقىمىن ازايتۋعا كومەكتەسپەك.

ايتا كەتەيىك، دجونس حوپكينس ۋنيۆەرسيتەتىنىڭ سوڭعى دەرەگى بويىنشا الەمدە كوروناۆيرۋس جۇقتىرعاندار سانى 5 ميلليوننان اسىپ جىعىلدى. ىندەتتەن 328 مىڭنان اسا ادام كوز جۇمدى. 

ال قازاقستاندا قاتەرلى ۆيرۋس 7234 ادامنان انىقتالدى. وتكەن تاۋلىكتە ىندەت جۇقتىرۋدىڭ 265 جاڭا دەرەگى تىركەلدى

سوڭعى جاڭالىقتار