20 مامىر, 18:07 239 0 جاڭالىقتار اسىل تۇمار

زاڭسىز ليتسەنزيالار بەرۋدىڭ قىلمىستىق سحەماسىن ۇيىمداستىرعاندار سوتتالدى

سۋرەت عالامتوردان الىندى
سۋرەت عالامتوردان الىندى

قر ۇلتتىق قاۋىپسىزدىك كوميتەتى «ە-ليتسەنزيالاۋ» مەملەكەتتىك بازاداعى مالىمەتتەردى تۇرلەندىرۋ جولىمەن زاڭسىز ليتسەنزيالار بەرۋدىڭ قىلمىستىق سحەماسىن ۇيىمداستىرعان ادامدار ارەكەتىنىڭ جولى كەسىلدى، – دەپ جازدى قازاقپارات.

ۇلتتىق قاۋىپسىزدىك كوميتەتىنىڭ ءباسپاسوز قىزمەتىنە سىلتەمە جاساپ. قىلمىستىق ارەكەت بەلگىلەرىن «قازاقستاننىڭ كيبەرقالقانى» جۇيەسى شەڭبەرىندە قۇرىلعان «ۇلتتىق اقپاراتتىق تەحنولوگيالار» اق جەدەل اقپاراتتىق قاۋىپسىزدىك ورتالىعى تىركەگەن.

جەدەل-ىزدەستىرۋ ءىس-شارالارىنىڭ جانە «مەملەكەتتىك تەحنيكالىق قىزمەت» رمك مەن «ۇلتتىق اقپاراتتىق تەحنولوگيالار» اق-نىڭ تەحنيكالىق ماماندارى بىرلەسىپ جۇرگىزگەن كەشەندى كومپيۋتەرلىك-تەحنيكالىق ساراپتامانىڭ ناتيجەلەرى بويىنشا «ە-ليتسەنزيالاۋ» مەملەكەتتىك دەرەكتەر بازاسىنداعى مالىمەتتەردى تۇرلەندىرۋگە قاتىستى كۇدىكتى ادامداردىڭ كىناسى تولىق دالەلدەندى.

2020 جىلعى 10 اقپاندا نۇر-سۇلتان قالاسى ەسىل اۋداندىق سوتىنىڭ شەشىمىمەن سوتتالۋشىلار قر قك 206-بابى 2-بولىگى 1-تارماعى «اقپاراتتى قۇقىققا سىيىمسىز جويۋ نەمەسە تۇرلەندىرۋ» بويىنشا كىنالى دەپ تانىلىپ، 2 (ەكى) جىل مەرزىمگە قازاقستان رەسپۋبليكاسى اقپاراتتىق-كوممۋنيكاتسيالىق ينفراقۇرىلىمىنىڭ وبەكتىلەرىنە جىبەرۋگە بايلانىستى كۆازيمەملەكەتتىك سەكتور سۋبەكتىلەرىندە لاۋازىم يەلەنۋ قۇقىعىنان ايىرۋمەن ارقايسىسى 1 جىل مەرزىمگە باس بوستاندىعىن شەكتەۋ تۇرىندە جازالاندى.

ۇكىم زاڭدى كۇشىنە ەندى.

سوڭعى جاڭالىقتار