20 مامىر 2020, 18:48 836 0 ايماق ارايلىم بيمەنديەۆا

سىرداريا وزەنى مەن كوكساراي قويماسى شىبىن-شىركەيدەن تازارتىلدى

تۇركىستان وبلىسىندا سىرداريا وزەنىنىڭ بويى مەن كوكساراي سۋ رەتتەگىش قويماسىنىڭ ماڭى العاش رەت شىبىن-شىركەيدەن تازارتىلدى.

سۋ ارنالارىنىڭ اينالاسى تۇگەلدەي دەرلىك دارىلەنىپ جاتىر. ارنايى ماماندار زيانكەستەرگە قارسى باكتەريالىق پرەپاراتتى سۋعا قۇيىپ، جاعالاۋىنا شاشۋ ءادىسىن قولدانىپ ۋلاۋدا. دارىلىك زاتتاردىڭ اعىن سۋعا زيانى جوق. بۇگىندە سۇتكەنت ەلدى مەكەنىنەن بايىرقۇم ەلدى مەكەنىنە دەيىن وزەن جاعالاۋى مەن سۋ قويماسىنىڭ ماڭىندا ورنالاسقان اۋىلدار مەن دەمالىس اۋماقتارىندا ۇزاقتىعى 30 شاقىرىم جەر زالالسىزداندىرىلدى. 

تۇركىستان وبلىستىق ەنەرگەتيكا جانە تۇرعىن ءۇي كوممۋنالدى شارۋاشىلىق باسقارماسىنىڭ مالىمەتىنشە، اتقارىلعان شارالاردىڭ ناتيجەسىندە دەرناسىلدەردىڭ سانى 80%- عا تومەندەدى. ال، سىرداريا وزەنى مەن كوكساراي سۋ رەتتەگىش قويماسىنا  قوسىلۋ كانالىنىڭ باستاۋى تولىعىمەن تازارتىلعان.

زيانكەستەر وزەن ارناسىنا جاقىن ورنالاسقان ارىس قالاسى، وتىرار جانە شاردارا اۋداندارىنىڭ تۇرعىندارىنا جىلدار بويى ىڭعايسىزدىق تۋدىرىپ كەلگەن. سوڭعى 3 جىلدا 1 102 ادام دەنەلەرى ءبورتىپ مەديتسينا قىزمەتكەرلەرىنە شاعىمدانعان. قاناتتى شىبىن-شىركەيمەن كۇرەستى مىقتاپ قولعا العان ماماندار اۋىل ايماقتارىندا زيانكەستەردىڭ كوزىن جويىپ، حالىققا قولايلى جاعداي جاساۋعا بەل بۋعان.

سوڭعى جاڭالىقتار