20 مامىر, 15:23 913 0 جاڭالىقتار اسىل تۇمار

ەلباسى احمەتجان ەسىموۆتى قابىلدادى

ەلباسى نۇرسۇلتان نازارباەۆ «سامۇرىق-قازىنا» ۇلتتىق ءال-اۋقات قورى» اكتسيونەرلىك قوعامى باسقارماسىنىڭ توراعاسى احمەتجان ەسىموۆتى قابىلدادى. كەزدەسۋ بارىسىندا قوردىڭ پورتفەلدىك كومپانيالارىنىڭ قازىرگى ەكونوميكالىق جاعدايدا ۇزدىكسىز جۇمىسىن قامتاماسىز ەتۋ ماسەلەلەرى تالقىلاندى. بۇل تۋرالى elbasy.kz جازدى.

ا.ەسىموۆتىڭ مالىمەتى بويىنشا، «سامۇرىق-قازىنا» ۇلتتىق ءال-اۋقات قورى» اكتسيونەرلىك قوعامىنىڭ بارلىق كاسىپورىندارى قالىپتى جاعدايدا جۇمىس ىستەپ جاتىر. قوردىڭ الدىن الا قاراستىرىلعان قارجىلىق رەزەرۆتەرىنىڭ ارقاسىندا ءوندىرىس قىزمەتكەرلەرىنىڭ قىسقارۋىنا جانە جالاقى تولەۋدىڭ كەشىكتىرىلۋىنە جول بەرىلگەن جوق.

ۇسىنىلعان اقپاراتقا سايكەس، اۋديت قورىتىندىسى بويىنشا بيۋدجەتكە تولەنەتىن تولەمدەر الدىڭعى جىلدارمەن سالىستىرعاندا 52 پايىزعا ارتىپ، 1,1 ترلن تەڭگەدەن استى.

سوڭعى جاڭالىقتار