20 مامىر, 11:15 429 0 جاڭالىقتار اسىل تۇمار

بەيبىت جيىندار تۋرالى زاڭ جوباسى: ءماجىلىس دەپۋتاتتارى داۋىس بەردى

ءماجىلىس دەپۋتاتتارى «قر-دا بەيبىت جينالىستاردى ۇيىمداستىرۋ جانە وتكىزۋ ءتارتىبى تۋرالى» زاڭ جوباسىنا پارلامەنت سەناتى ەنگىزگەن وزگەرىستەر مەن تولىقتىرۋلاردى قولداپ، داۋىس بەردى، – دەپ جازدى قازاقپارات.

«زاڭناما جانە سوت، قۇقىقتىق رەفورما كوميتەتى اتالعان زاڭ جوباسىنا پارلامەنت سەناتى ەنگىزگەن وزگەرىستەر مەن تولىقتىرۋلاردى قاراپ شىعىپ، مىنا جايلاردى اتاپ وتەدى. سەناتتىڭ تۇزەتۋلەرى ءماجىلىس ماقۇلداعان تۇجىرىمداما مەن مازمۇندى وزگەرتپەيدى ءارى ونىڭ جەكەلەگەن نورمالارىن جاقسارتۋعا باعىتتالعان. اتاپ ايتقاندا رەسپۋبليكالىق ماڭىزى بار قالالاردىڭ، استانانىڭ جانە وبلىستىق ماڭىزى بار اكىمشىلىك ورتالىق اۋداندارىندا بەيبىت جينالىستاردى ۇيىمداستىرۋدىڭ ارنايى ورىندارىنىڭ مىندەتتى سانىن بەلگىلەۋ، تۇرمىس-تىرشىلىك نىساندارىنىڭ، كولىك پەن وزگە دە ينفراقۇرىلىمنىڭ جۇمىس ىستەۋىنىڭ بۇزىلۋى، ازاماتتاردىڭ ەركىن ءجۇرىپ-تۇرۋىنا كەدەرگى كەلتىرۋ سياقتى بەيبىت جينالىستى وتكىزۋدەن باس تارتۋ نەگىزىن الىپ تاستاۋ ۇسىنىلادى. ويتكەنى مۇنداي كەدەرگىلەردى بيلىك ناقتى ءارى ارنايى ورىندى بەلگىلەۋ كەزىندە ەسكەرۋى جانە ولاردىڭ الدىن الۋى ءتيىس»، –دەدى زاڭناما جانە سوت، قۇقىقتىق رەفورما كوميتەتىنىڭ مۇشەسى، دەپۋتات قانات مۋسين ءماجىلىستىڭ جالپى وتىرىسىندا.

ءماجىلىس دەپۋتاتى ەگەر مۇنداي بۇزۋشىلىقتار جويىلسا بەيبىت جينالىسقا جەكەلەگەن قاتىسۋشىلاردىڭ قۇقىققا سىيىمسىز ارەكەتتەرىنە بايلانىستى جينالىستى توقتاتۋدى بولعىزباۋ جانە بەيبىت جينالىس بارىسىندا دەنساۋلىقتى قورعاۋعا ارنالعان جەكە قورعانىس قۇرالدارىن پايدالانۋعا رۇقسات بەرۋ ۇسىنىلاتىنىن ءمالىم ەتتى.

«سونىمەن قاتار زاڭ جوباسىنىڭ جەكەلەگەن نورمالارىنىڭ قۇرىلىمىن جەتىلدىرۋ ماقساتىندا تۇزەتۋلەر ەنگىزىلدى. كوميتەت «قر-دا بەيبىت جينالىستاردى ۇيىمداستىرۋ جانە وتكىزۋ ءتارتىبى تۋرالى» زاڭ جوباسىنا پارلامەنت سەناتى ەنگىزگەن وزگەرىستەر مەن تولىقتىرۋلارمەن كەلىسۋدى ۇسىنادى»، – دەدى ول.

زاڭ جوباسى بويىنشا ءماجىلىس دەپۋتاتتارى سەنات ەنگىزگەن وزگەرىستەر مەن تولىقتىرۋلاردى قولداپ داۋىس بەردى.

سوڭعى جاڭالىقتار