19 مامىر, 19:57 333 0 جاڭالىقتار اسىل تۇمار

ءتورت اي بويى ىزدەۋدە بولعان ازامات كورشى وبلىستان تابىلدى

سۋرەت عالامتوردان الىندى
سۋرەت عالامتوردان الىندى

اقمولا وبلىستىق پوليتسيا دەپارتامەنتىنىڭ ءباسپاسوز قىزمەتى كوكشەتاۋدا ءىز-ءتۇزسىز جوعالىپ، ءتورت اي بويى ىزدەۋدە بولعان 25 جاستاعى ازامات تابىلعانىن حابارلادى. 

ۆەدومستۆونىڭ مالىمەتىنشە، 2020 جىلدىڭ قاڭتار ايىندا كوكشەتاۋ قالالىق پب كەزەكشىلىك بولىمىنە وبلىس ورتالىعىنىڭ 69 جاستاعى تۇرعىنى حابارلاسقان. ول ۇيىنە ءجيى كەلىپ ءحالىن ءبىلىپ تۇراتىن 25 جاستاعى نەمەرەسىنىڭ حابارسىز كەتكەنىن ايتقان.

«اجەسىنىڭ سوزىنشە، نەمەرەسى قاڭتار ايىندا ستەپنوگورسك قالاسىنا جاڭا جۇمىسقا ورنالاسۋعا اتانىپ، كەيىن قايتىپ ورالماعان. نەمەرەسى اجەسىنىڭ تەلەفون قوڭىراۋىنا جاۋاپ بەرمەگەندىكتەن پوليتسيا تاراپىنان جەدەل ىزدەستىرۋ شاراسى قولعا الىندى. ناتيجەسىندە 25 جاستاعى جىگىت قوستاناي قالاسىنان تابىلدى. بەلگىلى بولعانداي، ول كورشى وبلىستا جۇمىسقا ورنالاسقان جانە كارانتيندىك شەكتەۋلەرگە بايلانىستى ۇيىنە جەتە الماعان»، – دەيدى ۆەدومستۆودان.

وسى رەتتە، ءتارتىپ ساقشىلارى ازاماتتارعا ءبىر جاققا، بەلگىسىز ۋاقىتقا كەتەردە جاقىندارى مەن تۋىسقاندارىنا ەسكەرتۋ كەرەگىن ەسكە سالادى.

سوڭعى جاڭالىقتار