19 مامىر, 10:17 420 0 ەكونوميكا انار لەپەسوۆا

ۇكىمەت اۆياتسيانى بىرنەشە سالىقتان بوساتتى

قر ۇلتتىق ەكونوميكا ءمينيسترى رۋسلان دالەنوۆ ەلىمىزدە اۆياتسيانى قولداۋعا باعىتتالعان شارالاردى جاريالادى.

ءمينيستردىڭ ايتۋىنشا، ازاماتتىق اۆياتسيانى قولداۋ ءۇشىن وسى جىلدىڭ سوڭىنا دەيىن ۇشۋ جاعدايىن قولداۋ ماقساتىندا ۇشاقتارعا قوسالقى بولشەكتەردى يمپورتتاۋدا ۋاقىتشا قوسىلعان قۇن سالىعىنان بوساتىلادى.

«سونداي-اق اۋەجايلار جەر سالىعىنان جانە ونى پايدالانعانى ءۇشىن تولەمنەن بوساتىلادى. ودان باسقا رەزيدەنت ەمەستەر اۆياتسيا سالاسىنداعى تەحنيكالىق قىزمەت كورسەتۋ جانە باسقا دا قىزمەتتەرگە قوسىلعان قۇن سالىعىن تولەمەيدى»، - دەدى ۆەدومستۆو باسشىسى.

ايتا كەتەيىك، بۇعان دەيىن رۋسلان دالەنوۆ قازاقستاندا ونەركاسىپتى دامىتۋ قورىن قۇرىلاتىنىن مالىمدەگەن.  مينيستردىڭ اتاپ وتۋىنشە، قور ارقىلى 3 پايىزدان ارتىق ەمەس مولشەرلەمە بويىنشا وڭدەۋشى كاسىپورىندارعا نەسيە بەرۋ جوسپارلانىپ وتىر.

سوڭعى جاڭالىقتار