15 مامىر, 17:35 772 0 ىشكى ساياسات انار لەپەسوۆا

ۇقك قازاقستان شەكاراسىنان ءوتۋدىڭ جاڭا ءتارتىبىن جاريالادى

ۇلتتىق قاۋىپسىزدىك كوميتەتى قازاقستان رەسپۋبليكاسىنىڭ مەملەكەتتىك شەكاراسىنان 2020 جىلعى 11 مامىردان باستاپ كارانتيندىك شەكتەۋلەر كەزەڭىندەگى ءوتۋ ءتارتىبىن جاريالادى، دەپ حابارلايدى كوميتەتتىڭ Facebook-تەگى پاراقشاسى.

قازاقستان ازاماتتارىنىڭ جانە شەتەلدىكتەردىڭ (ازاماتتىعى جوق ادامداردىڭ) قر مەملەكەتتىك شەكاراسىنان وتۋىنە سانيتارلىق-ەپيدەميولوگيالىق جاعداي جاقسارعانعا دەيىن ۋاقىتشا شەكتەۋ ەنگىزىلەدى.

مىنالار وعان قوسىلمايدى:

1) ەلدىڭ جانە شەت مەملەكەتتەردىڭ ديپلوماتيالىق قىزمەتىنىڭ پەرسونالى;

2) قر سىرتقى ىستەر مينيسترلىگىنىڭ شاقىرۋىمەن قازاقستانعا جىبەرىلگەن رەسمي دەلەگاتسيالاردىڭ مۇشەلەرى، سونىمەن قاتار حالىقارالىق ۇيىمداردىڭ دەلەگاتسيالارى مۇشەلەرى;

3) قازاقستان رەسپۋبليكاسىنىڭ مۇشەسى بولىپ تابىلاتىن جانە شەت مەملەكەتتەردىڭ اۋماعىندا ورنالاسقان حالىقارالىق ۇيىمداردىڭ قىزمەتكەرلەرى بولىپ تابىلاتىن قازاقستان رەسپۋبليكاسىنىڭ ازاماتتارى - قىزمەتكەردىڭ مارتەبەسىن راستاعان جاعدايدا;

4) پويىز جانە لوكوموتيۆتىك بريگادالارىنىڭ، اۋە جانە تەڭىز كەمەلەرى ەكيپاجدارىنىڭ مۇشەلەرى جانە تەمىرجول تاسىمالداۋ پروتسەستەرىنە، جۇكتەردى جانە حالىقارالىق قاتىناستا جۇكتەردى تاسىمالداۋدى جۇزەگە اسىراتىن پوەزداردى قابىلداۋ، تاپسىرۋ جانە الىپ ءجۇرۋ جونىندەگى وپەراتسيالارعا قاتىساتىن ادامدار;

5) قازاقستاندىق اۋە كومپانيا قىزمەتكەرىنىڭ مارتەبەسىن راستاعان جاعدايدا قازاقستاندىق اۋە كومپانيالاردا ىستەيتىن قىزمەتكەر شەتەلدىكتەر;

6) سانيتارلىق-كارانتيندىك ەرەجەلەردى ساقتاي وتىرىپ، قازاقستاندىق اۋەكومپانيالاردىڭ قىزمەتكەرلەرى بولىپ تابىلاتىن شەتەلدىكتەردىڭ وتباسى مۇشەلەرى (تۋىستىق بايلانىستار فاكتىسى راستالعان جاعدايدا - جۇبايى (زايىبى) جانە ولاردىڭ بالالارى), بىراق 30 تاۋلىكتە 1 رەتتەن ارتىق ەمەس;

7) قىزمەتكەرلەردىڭ كۋالاندىرىلعان اتاۋلى تىزىمدە بولعان جاعدايدا قىزمەتتىك مىندەتتەرىن اتقارۋ ءۇشىن قازاقستان رەسپۋبليكاسىنىڭ اۋماعىنداعى شەتەلدىك ترانسشەكارالىق قۇرىلىستارعا قىزمەت كورسەتەتىن پەرسونال جانە شەكتەس مەملەكەتتەردىڭ اۋماعىنداعى قازاقستاندىق ترانسشەكارالىق قۇرىلىستارعا قىزمەت كورسەتەتىن پەرسونال;

8) قازاقستان رەسپۋبليكاسىنان جالعا الىنعان اۋماقتاردا ورنالاسقان اسكەري قۇرالىمدار، ونەركاسىپ بولىمشەلەرى مەن كاسىپورىندارىنىڭ قۇرامىنا كىرەتىن رەسەي فەدەراتسياسىنىڭ ازاماتتارى جانە ولاردىڭ وتباسى مۇشەلەرى (جۇبايى، زايىبى، ولاردىڭ اتا-انالارى جانە بالالارى) اسكەري قۇرالىمداردا (بولىمشەگە، ونەركاسىپ كاسىپورىنعا) تيەسىلىگى جانە تۋىسى ەكەندىگىن راستاعان كەزدە;

9) «بايقوڭىر» كەشەنى مەن بايقوڭىر قالاسىنىڭ اۋماعىنا رەسەي فەدەراتسياسىنىڭ ازاماتتارى مەن ولاردىڭ وتباسى مۇشەلەرى – «بايقوڭىر» كەشەنىندە جۇمىس ىستەيتىن، سونداي-اق بايقوڭىر قالاسىندا تۇراقتى نەمەسە ۋاقىتشا تىركەلگەن مەملەكەتتىك ورگاندارداعى جانە وزگە دە ۇيىمدارداعى جۇمىستىڭ/قىزمەتتىڭ جارامدىلىعىن راستايتىن قۇجاتتى/قۇجاتتاردى مىندەتتى تۇردە ۇسىنعان كەزدە;

10) قازاقستان رەسپۋبليكاسى مەن شەت مەملەكەتتەردىڭ ۇكىمەتارالىق فەلدەگەرلىك بايلانىس قىزمەتكەرلەرى، قىزمەتكەردىڭ مارتەبەسى راستالعان كەزدە;

11) بۇرىن شەت مەملەكەتكە كەتكەن قازاقستان رەسپۋبليكاسىنىڭ ازاماتتارى (ازاماتتىعى جوق ادامنىڭ كۋالىگىمەن قازاقستان رەسپۋبليكاسى قۇجاتتاعان ازاماتتىعى جوق ادامدار) قازاقستان رەسپۋبليكاسىنا قايتىپ كەلگەن كەزدە;

12) قازاقستان رەسپۋبليكاسىنان باسقا مەملەكەتكە تۇراقتى تۇرۋعا كەتكەن جانە/نەمەسە يمميگراتسيالىق ۆيزالارى بار قازاقستان رەسپۋبليكاسىنىڭ ازاماتتارى;

13) قازاقستان رەسپۋبليكاسىنىڭ شەتەلگە ەمدەلۋگە كەتەتىن ازاماتتارى دەنساۋلىق ساقتاۋ مەكەمەلەرىنىڭ راستايتىن قۇجاتتارىن كورسەتكەن كەزدە (ەكى ەرەسەك ادامنان اسپايتىن ەرىپ جۇرگەندە), مىناداي قۇجاتتار بولعان كەزدە: - «دەنساۋلىق ساقتاۋ ۇيىمدارىنىڭ باستاپقى مەديتسينالىق قۇجاتتاما نىساندارىن بەكىتۋ تۋرالى» قازاقستان رەسپۋبليكاسى دەنساۋلىق ساقتاۋ ءمينيسترىنىڭ مىندەتىن اتقارۋشىنىڭ 2010 جىلعى 23 قاراشاداعى № 907 بۇيرىعىمەن بەكىتىلگەن 035-1/ۋ نىسانىنا سايكەس دياگنوزدى جانە ەمدەۋ جەدەلدىگىن راستاۋ ءۇشىن اۋماقتىق امبۋلاتوريالىق-ەمحانالىق ۇيىمنىڭ دارىگەرلىك-كونسۋلتاتسيالىق كوميسسياسىنىڭ قورىتىندىسى»; - شەتەلدىك مەديتسينالىق ۇيىمنان ەمدەلۋگە شاقىرۋ-حات، نوتاريالدى كۋالاندىرىلعان اۋدارماسى بار;

14) شەت مەملەكەتتەردىڭ تۇرۋعا ىقتيارحاتى بار نە ولاردىڭ اۋماعىندا ۋاقىتشا بولۋعا رۇقساتى بار قازاقستان ازاماتتارى – 30 تاۋلىك ىشىندە 1 رەتتەن ارتىق ەمەس;

15) قازاقستان رەسپۋبليكاسىنىڭ اۋەجايلارىنان بۇرىن تۋريستىك جولدامالار بويىنشا دەمالۋعا ۇشىپ شىققان جانە ءوزىنىڭ ازاماتتىعى بار ەلىنە اۆتوموبيل كولىگىمەن ودان ءارى شىعۋ ماقساتىندا دەمالعاننان كەيىن قازاقستان رەسپۋبليكاسىنىڭ اۋەجايلارىنا قايتىپ كەلگەن شەتەلدىكتەر، ولاردى وسى مەملەكەتتەر ەلشىلىكتەرىنىڭ كەلىسىمى بويىنشا جانە جاردەمىمەن اكەتكەن جاعدايدا;

16) قاجەتتى سانيتارلىق-ەپيدەميولوگيالىق ءىس-شارالار جۇرگىزىلگەننەن كەيىن ءوز مەملەكەتتەرىنىڭ ەلشىلىگى مەن كونسۋلدىق مەكەمەلەرىنىڭ ءوتىنىشى بويىنشا ازاماتتىعى بار ەلىنە اۆتوموبيل وتكىزۋ پۋنكتتەرى ارقىلى ودان ءارى ۇشىپ شىعۋ نەمەسە كەتۋ ءۇشىن قازاقستان رەسپۋبليكاسىنا اۋە وتكىزۋ پۋنكتتەرى ارقىلى كەلەتىن شەتەلدىكتەر;

17) راستايتىن قۇجاتتارى بولعان كەزدە وتباسى مۇشەلەرى مەن جاقىن تۋىستارىن (اتا-انالارى (اتا-اناسى), بالالارى، بالا اسىراپ الۋشىلار، اسىراپ الىنعاندار، اتا-اناسى ءبىر جانە اتا-اناسى بولەك اعا-ىنىلەرى مەن اپا-سىڭلىلەرى، اتاسى، اجەسى، نەمەرەلەرى) جەرلەۋگە بارا جاتقان ادامداردى، سونداي-اق قايتىس بولعان وتباسى مۇشەلەرى مەن جاقىن تۋىستارىنىڭ ءمايىتىن ء(مايىتىن) جەرلەۋ ورنىنا ىلەسىپ جۇرەتىن ادامدار;

18) اۋىر ناۋقاستانۋى تۋرالى ەمدەۋ ورنىنىڭ راستايتىن قۇجاتتارى بولعان كەزدە اۋىر ناۋقاستانعان وتباسى مۇشەلەرى جانە جاقىن تۋىستارىن كۇتىپ-باعۋ ءۇشىن بارا جاتقان ادامدار (اتا-انالارى (اتا-اناسى), بالالارى، بالا اسىراپ الۋشىلار، اسىراپ الىنعاندار، اتا-اناسى ءبىر جانە اتا-اناسى بولەك اعا-ىنىلەرى مەن اپا-سىڭلىلەرى، اتاسى، اجەسى، نەمەرەلەرى);

19) قازاقستان رەسپۋبليكاسىنىڭ اۋماعىنا ەلدەن كەتۋ ءۇشىن بۇرىن كەلگەن شەتەلدىكتەر (ازاماتتىعى جوق ادامنىڭ كۋالىگى شەت مەملەكەت قۇجاتتاعان ازاماتتىعى جوق ادامدار);

20) قازاقستان رەسپۋبليكاسىنىڭ اۋماعىندا تۇرۋعا ىقتيارحاتى (ورالمان مارتەبەسى) بار شەتەلدىكتەر (ازاماتتىعى جوق ادامدار) جانە ولاردىڭ وتباسى مۇشەلەرى (جۇبايى، زايىبى، ولاردىڭ اتا - انالارى جانە بالالارى)

- 30 تاۋلىك ىشىندە 1 رەتتەن ارتىق ەمەس;

21) قازاقستان رەسپۋبليكاسى ازاماتتارىنىڭ وتباسى مۇشەلەرى بولىپ تابىلاتىن شەتەلدىكتەر (ازاماتتىعى جوق ادامدار) - تۋىستىق بايلانىستار فاكتىسى راستالعان جاعدايدا (جۇبايى (زايىبى), ولاردىڭ اتا - انالارى جانە بالالارى) - 30 تاۋلىك ىشىندە 1 رەتتەن ارتىق ەمەس;

22) شەتەلدىكتەردىڭ وتباسى مۇشەلەرى (ەرلى – زايىپتارى، اتا-انالارى، بالالارى، اسىراپ الۋشىلارى، اسىراپ العان بالالارى), قورعانشىلارى مەن قامقورشىلارى بولىپ تابىلاتىن قازاقستان رەسپۋبليكاسىنىڭ ازاماتتارى –تەك وتباسى مۇشەسىنىڭ ازاماتتىعى بار ەلىنە شىعۋ ءۇشىن، 30 تاۋلىك ىشىندە 1 رەتتەن كوپ ەمەس;

23) شەتەلدىك وقۋ ورنىنىڭ راستايتىن قۇجاتتارى بولعان جاعدايدا شەت مەملەكەتتەردىڭ اۋماعىنداعى وقۋ ورىندارىندا وقىپ جۇرگەن قازاقستان رەسپۋبليكاسىنىڭ ازاماتتارى;

24) ءتيىستى ساناتتاعى جۇرگىزۋشى كۋالىگى بولعان كەزدە حالىقارالىق جۇك تاسىمالدارىن جۇزەگە اسىراتىن جۇرگىزۋشىلەر ء(بىر جۇك كولىك قۇرالىنا 2 جۇرگىزۋشىدەن ارتىق ەمەس);

25) وسى تارتىپكە سايكەس قازاقستان رەسپۋبليكاسىنىڭ مەملەكەتتىك شەكاراسىنان وتۋگە رۇقسات ەتىلگەن ادامداردى تاسىمالداۋدى جانە ەۆاكۋاتسيالىق رەيستەردى جۇزەگە اسىراتىن جۇرگىزۋشىلەر;

26) ءاربىر جەكە جاعداي ءۇشىن قر پرەمەر-ءمينيسترىنىڭ ورىنباسارى توراعالىعىمەن ارنايى قۇرىلعان ۆەدومستۆوارالىق كوميسسيا بەكىتەتىن تىزىمگە سايكەس الەۋمەتتىك ماڭىزى بار كومپانيالاردىڭ قىزمەتكەرلەرى (ماماندارى) – شەتەلدىكتەر;

27) ءاربىر جەكە جاعداي ءۇشىن قازاقستان رەسپۋبليكاسى پرەمەر-ءمينيسترىنىڭ ورىنباسارى توراعالىعىمەن ارنايى قۇرىلعان ۆەدومستۆوارالىق كوميسسيا بەكىتەتىن تىزىمگە سايكەس جاسالعان كەلىسىم-شارتتار شەڭبەرىندە اۆتوموبيل جانە ارنايى كولىك جەتكىزۋدى جۇزەگە اسىراتىن ادامدار.

اقتاۋ جانە قۇرىق تەڭىز پورتتارىندا جۇك اۆتوكولىك قۇرالدارىنىڭ جۇرگىزۋشىلەرىن، قازاقستان رەسپۋبليكاسىنا قايتىپ كەلە جاتقان قازاقستان رەسپۋبليكاسىنىڭ ازاماتتارىن جانە ولاردىڭ جەكە كولىگىن قوسپاعاندا، جولاۋشىلاردى تاسىمالداۋعا تىيىم سالىنادى. جۇكتەردى تەڭىز پورتتارى ارقىلى اۋىستىرىپ تيەۋ قاتاڭ تۇردە سانيتارلىق-ەپيدەميولوگيالىق نورمالاردى ساقتاي وتىرىپ جۇزەگە اسىرىلۋى ءتيىس. ەكيپاجدىڭ كەمەلەردەن شىعۋىنا تىيىم سالىنادى.

«قر مەملەكەتتىك شەكاراسىن كەسىپ وتۋگە جانە قازاقستان رەسپۋبليكاسىنىڭ اۋماعىندا بولۋعا مەملەكەتتىك ورگاندارىنىڭ رۇقساتتارىن بەلگىلەنگەن تارتىپپەن رەسىمدەگەن جاعدايدا مۇددەلى مەملەكەتتىك ورگاندارمەن بىرلەسىپ، «بايقوڭىر» عارىش ايلاعىنان ۇشىرۋ ناۋقاندارى جانە عارىشكەرلەر قوناتىن جەردەن جانە ۇشىرىلاتىن عارىش وبەكتىلەرىن ىزدەستىرۋ جانە ەۆاكۋاتسيالاۋ جونىندەگى ءىس-شارالار شەڭبەرىندە ىسكە قوسىلعان اۋە كەمەلەرىن جانە جەر ءۇستى تەحنيكاسىن شەكارا ارقىلى وتكىزۋدى جۇزەگە اسىرۋعا رۇقسات ەتىلەدى»، دەلىنگەن حابارلامادا.

اتالعان ءتارتىپتىڭ 1 تارماعى 5, 6, 15, 20, 21, 25, 26 تارماقشالارىندا كورسەتىلگەن شەتەلدىكتەرگە (ازاماتتىعى جوق ادامدارعا) قازاقستان رەسپۋبليكاسىنا كىرۋ ءۇشىن قازاقستان رەسپۋبليكاسىنا كىرۋگە قۇقىق بەرەتىن قۇجاتتاردان باسقا، ءCOVىD-19 كوروناۆرۋستىق ينفەكتسياسى بەلگىلەرىنىڭ جوقتىعى تۋرالى پتر-تەست (پوليمەرازدى تىزبەكتى رەاكتسيا) ءوتۋ انىقتامانىڭ بولۋى تالاپ ەتىلەدى.

«انىقتامانىڭ بولۋىن تەكسەرۋدى سانيتارلىق-كارانتيندىك بەكەتتەرىنىڭ قىزمەتكەرلەرى جۇزەگە اسىرادى. قازاقستان رەسپۋبليكاسىنىڭ سىرتقى ىستەر مينيسترلىگىنە قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ شەكارا قىزمەتىمەن، قازاقستان رەسپۋبليكاسى ىشكى ىستەر مينيسترلىگىمەن، قازاقستان رەسپۋبليكاسى دەنساۋلىق ساقتاۋ مينيسترلىگىمەن، قازاقستان رەسپۋبليكاسى يندۋستريا جانە ينفراقۇرىلىمدىق دامۋ مينيسترلىگىمەن كەلىسىم بويىنشا (ونىڭ ىشىندە جۇمىس تارتىبىمەن) شەت مەملەكەتتەردىڭ ديپلوماتيالىق قىزمەتتەرى رەسمي ءوتىنىش جاساعان كەزدە قازاقستان رەسپۋبليكاسى ارقىلى ءوزىنىڭ ازاماتتىعى بار ەلىنە ترانزيتتىك جول ءجۇرۋدىڭ ورىندىلىعى مەن مۇمكىندىگىن انىقتاۋعا، ەتۋگە رۇقسات ەتىلسىن» دەلىنگەن حابارلامادا.

سوڭعى جاڭالىقتار