14 مامىر, 20:13 218 0 دەنساۋلىق ارايلىم بيمەنديەۆا

COVID-19: قارۋلى كۇشتەردە العاشقى پتر-زەرتحاناسى ىسكە قوسىلدى

COVID-19 عانا ەمەس، سونىمەن قاتار باسقا دا ينفەكتسيالاردىڭ تۇرلەرىن انىقتاۋعا مۇمكىندىك بەرەتىن قازاقستان قارۋلى كۇشتەرىنىڭ العاشقى پتر-زەرتحاناسى پايدالانۋعا بەرىلۋگە دايىن.

زەرتحانا الماتى قالاسىندا ورنالاسقان قارۋلى كۇشتەردىڭ سانيتارلىق-ەپيدەميولوگيالىق ورتالىعى نەگىزىندە قۇرىلدى. عيمارات قىسقا ۋاقىت ىشىندە جوندەۋ جۇمىستارىنان وتكىزىلىپ، دايىندالدى، قاجەتتى جابدىقتار ورناتىلعاننان كەيىن، پتر-زەرتحاناسىن ىسكە قوسۋ جۇمىستارى جۇرگىزىلدى.

زەرتحانانى ىسكە قوسۋ قارۋلى كۇشتەردىڭ جەكە قۇرامىن كەڭىنەن كوروناۆيرۋسقا تەستىلەۋىنەن وتكىزۋگە مۇمكىندىك بەرەدى. قورعانىس مينيسترلىگىندە وتكەن كەزەكتى اپپارات كەڭەسىندە بۇل ماسەلەگە قاتىستى ءتيىستى نۇسقاۋدى قورعانىس ءمينيسترى بەرگەن بولاتىن.

قارۋلى كۇشتەردىڭ جەكە قۇرامى العاشقى كۇننەن باستاپ كوروناۆيرۋستىڭ تارالۋىنا قارسى كۇرەس جونىندەگى ءىس-شارالارعا بەلسەندى قاتىستى. اتاپ ايتقاندا، اسكەري قىزمەتشىلەر دەزينفەكتسيا جۇرگىزدى، بلوكبەكەتتەردە قىزمەت اتقاردى، ەلدى مەكەندەردى پاترۋلدەۋگە، مەديتسينالىق كومەك كورسەتۋگە جانە باسقا دا كوپتەگەن باعىتتارداعى جۇمىستارعا قاتىستى. قاۋىپتى ينفەكتسيا كوزدەرىنە تىكەلەي جاقىن بولۋىن ەسكەرە وتىرىپ، جۇقتىرۋ مۇمكىندىگىن ەرتە انىقتاۋ اسا ماڭىزدى بولىپ تابىلادى.

جەكە ۆيرۋسولوگيالىق زەرتحانانىڭ قۇرىلۋى SABA GROUP قۇرىلىس كومپانياسىنىڭ قايىرىمدىلىق قولداۋى مەن ونىڭ يەسى ارىستانبەك بەيحانۇلى ءساباليدىڭ جەكە باستاماسىن ەكەنىن اتاپ ءوتۋ قاجەت.

زەرتحانا ءۇشىن قاجەتتى جابدىقتى كومپانيامەن ساتىپ الىنىپ، سىيعا بەرىلگەن، تەحنيكالىق قولداۋ كورسەتىپ، پەرسونالدىڭ وقىتىلۋىن دا ۇيىمداستىرعان.

جەكە قۇرامدى دالدىگى جانە جەدەلدىگىمەن ەرەكشەلەنەتىن اۋقىمدى پتر-دياگنوستيكادان وتكىزۋ ءۇشىن قارۋلى كۇشتەردىڭ جەكە زەرتحاناسى بولۋى وتە ءتيىمدى.

 

سوڭعى جاڭالىقتار