10 مامىر, 10:06 354 0 ايماق Túrkistan Gazeti

ماقسات ومار Wing Open-2020 چەمپيونى اتاعىنا ۇمىتكەر اتاندى

بيىلعى جىلى اقپان ايىندا اقش-تىڭ كولورادو شتاتىندا اقش-تىڭ اسكەري-اۋە كۇشتەرى اكادەمياسىنىڭ بوكستان اشىق ءتۋرنيرى ءوتتى. جارىسقا وسى اكادەميانىڭ ستۋدەنتى، قازاقستاندىق ماقسات ومار دا قاتىستى. 63 كەلى سالماقتا سىنعا تۇسكەن ماقسات Wing Open-2020 چەمپيونى اتاعىنا ۇمىتكەر اتاندى.

ماقسات 1998 جىلى 21 تامىزدا شىمكەنت قالاسىندا دۇنيەگە كەلگەن. ول بالالىق شاعىنان سپورتتى سەرەك ەتىپ كەلەدى، اسىرەسە، بوكسپەن اۋەستەنەدى. ماقسات قازاق-تۇرىك ورتا مەكتەبىن ۇزدىك بىتىرگەن. وسىلايشا ول قازاقستاننىڭ قۇرلىق اسكەرلەرىنىڭ اسكەري ينستيتۋتىنا تۇسەدى. جوعارى وقۋ ورنىندا دا ماقسات ساباقتى جاقسى وقىپ، اسكەري دايىندىقتان جوعارى ناتيجەلەر كورسەتەدى. وسىعان قوسا ول بوس ۋاقىتندا ەرىكتى بولىپ قوعامعا كومەك كورسەتۋدى دە ۇمىتپاعان. ەلىمىزدىڭ اسكەري ينستيتۋتىندا قول جەتكىزگەن جەتىستىكتەرىنىڭ ارقاسىندا ماقسات قازاقستان اتىنان اقش-تىڭ اسكەري-اۋە اكادەمياسىنا (USAFA) 4 جىل ءبىلىم الۋ ءۇشىن تاڭدالىپ الىنادى.

ماقسات ومار USAFA-عا 2 جىل بۇرىن ءتۇستى. ول باسقا دا كۋرسانتتار سياقتى كادەتتەردىڭ 6 اپتالىق بازالىق اسا قيىن دايىندىعىنان ءوتتى. ول اكادەمياعا كەلگەنگە دەيىن دە سپورتتىڭ كوپ تۇرىمەن اينالىستى، ال USAFA ونىڭ بوكسقا دەگەن قۇشتارلىعىن دامىتۋعا مۇمكىندىك بەردى. بيىل ماقسات ءوزىنىڭ العاشقى بوكستان اشىق چەمپيوناتىنا قاتىستى. وندا ول جوو-لار اراسىنداعى جارىستا USAFA كومانداسى ءۇشىن بىرنەشە جەڭىسكە قول جەتكىزىپ تە ۇلگەردى. بۇل وتكەن چەمپيونات ۇلكەن جەڭىستەردىڭ باستاماسى دەپ سەنەمىز.

بولاشاقتا ماقسات قازاقستاننىڭ اسكەري-اۋە نەمەسە قۇرلىق اسكەرلەرىندە قىزمەت ەتۋدى جوسپارلاپ وتىر.

باقىت بەكوۆ

سوڭعى جاڭالىقتار