27 ءساۋىر, 18:18 434 0 قاۋىپسىزدىك Túrkistan Gazeti

ەڭ الدىمەن ەل اماندىعى كەرەك

پرەزيدەنتىمىز قاسىم-جومارت توقاەۆتىڭ ۇندەۋىن قازىرگى كۇردەلى جاعدايدان قازاقستاندىقتاردى امان-ەسەن شىعارۋعا ارنالعان باعدارلامالىق قۇجات دەپ اتاۋعا بولادى.

مەملەكەت باسشىسىنىڭ مالىمدەمەسى كوپشىلىكتىڭ كوڭىلىنە قوناتىنداي، ءاربىر ەل ازاماتىنىڭ جۇرەگىنە جەتەتىندەي جازىلعان.

ەلىمىزدەگى توتەنشە جاعداي حالىقتى ءبىراز تىعىرىققا تىرەپ ىڭعايسىزدىق تۋدىردى، ءتىپتى كۇردەلى ماسەلەلەردى تۋىنداتتى. پرەزيدەنتىمىز حالىقتى تىعىرىقتان شىعارۋ ءۇشىن ءتۇيىندى ماسەلەلەردى شەشۋدىڭ ناقتى جولدارىن كورسەتتى.

مالىمدەمەدە مەملەكەت باسشىسى ەلدى تىعىرىقتان شىعارۋدىڭ ناقتى جولىن بەلگىلەدى. قارجىلاندارۋ ماسەلەسىن شەشۋدە ناقتىلى ورگاندارعا ارنايى تاپسىرمالاردى ورىنداۋ جۇكتەلدى. قاجەت جاعدايدا بولىنگەن قارجىلاي كومەكتىڭ ءتيىستى ادامدارعا جەتۋىن باقىلايتىن مەكەمەگە تاپسىرما بەرىلدى. پرەزيدەنتتىڭ مالىمدەمەسىنەن ناقتىلىقتىق پەن جوعارى جاۋاپكەرشىلىكتى سەزدىك.

قازىر بۇكىل الەم، سونىڭ ىشىندە قازاقستان حالقى دا كۇردەلى كەزەڭدى باستان وتكىزىپ وتىر. ءبىرىنشى كەزەكتە ەلدىڭ اماندىعى – ادامي الەۋەتتىڭ ءومىرى مەن دەنساۋلىعى ماڭىزدى ەكەنىن مەملەكەت تاعى دا ايقىن دالەلدەدى.

قازاقستان ىندەتتىڭ الدىن دەر كەزىندە بولجاي ءبىلدى. ەلدە كۇنى ىلگەرى توتەنشە جاعداي جاريالاندى. بۇل مەملەكەت باسشىسىنىڭ كورەگەندىگىن كورسەتتى.

قازاقستان الەمدىك وقيعاعا ساي كارانتين كەزىندە تابىسىنان ايرىلعاندارعا 42 500 تەڭگەدەن بەرۋدە. بۇل – ۇلكەن جاناشىرلىق ەكىنشى ايدا دا جالعاساتىن بولدى. كومەكتى بۇرىن ءوزىن-ءوزى اسىراپ كەلگەندەر مەن جۇمىسسىز جۇرگەندەر دە الادى. بۇل – مەملەكەت باسشىسىنىڭ قامقورلىعى.

شاعىن جانە ورتا بيزنەس وكىلدەرى توتەنشە جاعداي كەزىندە سالىق تولەۋدى كەيىنگە شەگەرە تۇراتىن بولدى. مەملەكەت ولارعا ارزان نەسيە بەرۋدى قولعا الدى.

ەگىس ناۋقانى كەزىندە ديقانداردى ارزان جانار مايمەن قامتاماسىز ەتۋ ماسەلەسى شەشىلدى.

مەملەكەت باسشىسىنىڭ العاشقى مالىمدەمەسىنەن سوڭ از قامتاماسىز ەتىلگەن وتباسىلارعا تەگىن ازىق-تۇلىك جەتكىزىلىپ بەرىلە باستادى. مۇنداي يگى شاراعا باستاماشى، ۇيىتقى بولۋ – ساۋاپ ءىس. مۇنداي شارۋالاردى قولعا العان مەملەكەت باسشىسىن ماقتان ەتۋ كەرەك.

الەمدى شارپىعان ىندەتپەن كۇرەسىپ جاتقان تەك قانا قازاقستان ەمەس. كارانتين جاريالانىپ، كوشەلەرىندە مەڭىرەۋ تىنىشتىق ورناعان ەلدەر كوپ. سول ەلدەردىڭ اراسىندا حالقىنا جاناشىرلىق تانىتقانداردىڭ العاشقى لەگىندە بولعانىمىزعا قۋانامىن.

قازاقستان تاۋەلسىزدىگىن العان جاس مەملەكەت. ەلىمىزدىڭ قازبا بايلىعى، اۋىل شارۋاشىلىعى ءوز ەلىنىنىڭ وسىنداي قيىن قىستاۋ كەزەڭىندە، حالقىنىڭ ءال-اۋقاتىن ءوز دەڭگەيىندە تۇراقتى تۇردە ساقتاپ قالۋىنا جەتەتىنى ءشۇباسىز. ال توتەنشە جاعداي بارىسىن 11 مامىرعا دەيىن ۇزارتۋ – بۇل پرەزيدەنتىمىزدىڭ كەمەڭگەرلىگى مەن كورەگەندىگىن تانىتتى. سەبەبى بىزگە ەڭ بىرىنشىدەن ەل اماندىعى قىمبات، حالىقتىڭ دەنساۋلىعى ماڭىزدى.

مەملەكەت باسشىسىنىڭ سىن تۇستا حالقىنا جاساعان مالىمدەمەسى ءاربىرىمىزدىڭ بولاشاعىمىزعا نىق سەنىممەن قاراپ، اۋىزبىرشىلىگىمىز بەن ءبىر-ءبىرىمىزدى قولداۋىمىز ادال بولعان جەردە، سابىر مەن ساياسات كورسەتكەن جولدا تاباندىلىق تانىتساق، الىنبايتىن قامال جوق ەكەنىن ءاربىر قازاقستان ازاماتىنا ناقتى جەتكىزە ءبىلدى.

قازىرگى قيىندىقتاردى بىرگە ەڭسەرەتىنىمىزگە سەنىمىم نىعايا ءتۇستى.

كامالبەك بەركيمباەۆ،

قوجا احمەت ياساۋي اتىنداعى قازاق-تۇرىك ۋنيۆەرسيتەتىنىڭ ۆيتسە-پرەزيدەنتى، پ.ع.د.، پروفەسسور، كەنتاۋ قالالىق ءماسليحاتىنىڭ دەپۋتاتى

سوڭعى جاڭالىقتار