9 ءساۋىر, 12:10 620 0 الەۋمەت انار لەپەسوۆا

ەڭ تومەنگى زەينەتاقى مولشەرى 40 441 تەڭگە بولدى

ەڭبەك جانە حالىقتى الەۋمەتتىك قورعاۋ مينيسترلىگى زەينەتاقى مەن مەملەكەتتىك جاردەماقىلارعا جىلدىق تۇرعىدا 10%-عا يندەكساتسيالاۋدى جۇرگىزدى، دەپ حابارلايدى مينيسترلىكتىڭ ءباسپاسوز قىزمەتى. 

2020 جىلدىڭ 1 ساۋىرىنەن باستاپ زەينەتاقىنىڭ ەڭ تومەنگى مولشەرى 40 441 تەڭگەنى قۇرايتىن بولدى. ناتيجەسىندە، اعىمداعى جىلى، زەينەتاقى ەكى رەت كوتەرىلدى. «ماسەلەن 2020 جىلدىڭ 1 قاڭتارىنان ينفلياتسيانىڭ بولجامدى دەڭگەيى ەسكەرىلە وتىرىپ، بازالىق زەينەتاقىعا 5%، ال جاسىنا جانە ەڭبەك سىڭىرگەن جىلدارىنا بايلانىستى زەينەتاقى تولەمدەرىنە 7% (ينفلياتسيا دەڭگەيىنەن 2%-عا ارتىق) كەزەكتى رەت جىل سايىنعى يندەكساتسيا جاسالدى. 2020 جىلدىڭ 1 ساۋىرىنەن جاسىنا جانە ەڭبەك سىڭىرگەن جىلدارىنا بايلانىستى زەينەتاقى تولەمدەرى 2020 جىلعا دەيىن تاعايىندالعانىمەن قوسا وسى جىلعى 1 قاڭتار مەن 31 ناۋرىزدا بەكىتىلگەن بولىگى 5%-عا جوعارىلادى»، دەلىنگەن حابارلامادا.

مينيسترلىك اتالمىش وزگەرىستەرگە قاتىستى مىسالدار كەلتىردى.

ءبىرىنشى مىسال: ەر ادامعا 18.11.2019 جىلدان بەرى 43 000 تەڭگە ىنتىماقتى زەينەتاقى تاعايىندالدى دەلىك. ونىڭ زەينەتاقىسى جىل سايىنعى قايتا ەسەپتەۋ اياسىندا 2020 جىلدىڭ 1 قاڭتارىنان قاڭتارىنان 46 010 تەڭگەنى قۇرادى. 2020 جىلعى 1 ساۋىردەن بولسا، اتالعان ىنتىماقتى زەينەتاقى 5% ءوسىپ، 48 311 تەڭگە بولادى (46 010+5%=48 311).

ەكىنشى مىسال: ايەل ادامعا 12.03.2020 جىلدان 52 000 تەڭگە تاعايىندالدى دەپ الايىق. 2020 جىلعى 1 ساۋىردەن، 5% ءوسىمدى ەسكەرسەك، بۇل ىنتىماقتى زەينەتاقى 54 600 تەڭگەنى مەجەلەيدى (52 000+5%=54 600).

مەملەكەتتىك بازالىق زەينەتاقى تولەمىنە كەلەر بولساق، ول «قازاقستان رەسپۋبليكاسىنداعى زەينەتاقىمەن قامسىزداندىرۋ تۋرالى» زاڭىنىڭ 4-بابىنا ساي، 2020 جىلدىڭ 1 ساۋىرىنەن ەڭ تومەنگى كۇنكورىس دەڭگەيىنىڭ جاڭا سوماسى بويىنشا پايىزدىق مولشەردە ايقىندالادى. مىسال: ەر ادامعا 20.12.2019 جىلدان بەرى 26 729 تەڭگە نەمەسە كۇنكورىس دەڭگەيىنەن 90% بازالىق زەينەتاقى تاعايىندالدى.

2020 جىلدىڭ 1 قاڭتارىنان ونىڭ مولشەرى، كۇنكورىس دەڭگەيىنىڭ جىل سايىنعى ءوسىمىن نازارعا الساق، 28 065 تەڭگەنى كورسەتىپ، 2020 جىلدىڭ 1 ساۋىرىنەن 29 402 تەڭگەنى قۇرايدى (بيىلعى 1 ساۋىردەن ەڭ تومەنگى كۇنكورىس دەڭگەيى 32 668 تەڭگە بولىپ بەكىتىلدى، ونىڭ 90%-ى=29 402).

وسى ورايدا، «2020-2022 جىلدارداعى رەسپۋبليكالىق بيۋدجەت تۋرالى» زاڭىنا ەنگىزىلگەن وزگەرتۋلەرگە سايكەس، 1 ساۋىردەن باستاپ ەڭ تومەنگى زەينەتاقى مولشەرى 40 411 تەڭگە بولدى. ءتيىستى قادامدار 2,2 ميلليوننان استام زەينەتكەردى قامتيدى.

 

سوڭعى جاڭالىقتار