7 ءساۋىر, 18:07 408 0 جاھان انار لەپەسوۆا

ماسكەۋدە كوروناۆيرۋس جۇقتىرعانداردىڭ كوبى – 45-كە تولماعاندار

ماسكەۋدە كوروناۆيرۋس جۇقتىرعان جاڭا ناۋقاستاردىڭ 50 پايىزدان استامى – 45 جاسقا تولماعان ازاماتتار. بۇل تۋرالى ماسكەۋدەگى كوروناۆيرۋس جاعدايىن باقىلاۋ مەن مونيتورينگتەۋ بويىنشا شۇعىل شتابقا سىلتەمە جاساپ ريا نوۆوستي حابارلادى.

 شۇعىل شتابتىڭ مالىمەتىنشە، رەسەي استاناسىندا كوروناۆيرۋس ينفەكتسياسىن جۇقتىرۋدىڭ 697 جاڭا دەرەگى تىركەلگەن. وسىلايشا ماسكەۋدە ىندەتكە شالدىققانداردىڭ جالپى سانى 5181 ادامعا جەتتى.

"جاڭا ناۋقاستاردىڭ 47,5 پايىزى – 18-دەن 45 جاسقا دەيىنگى، 34 پايىزى – 46-دان 65 جاسقا دەيىنگى جانە 14,5 پايىزى 65 جاستان جوعارى ازاماتتار، ولاردىڭ 5 پايىزدان استامى – جاستارى 80-نەن اسقان قارتتار. سونداي-اق ناۋقاستاردىڭ 4 پايىزى – بالالار", – دەلىنگەن حابارلامادا.

ەلىمىزدەگى ەپيدەميولوگيالىق احۋالعا كەلسەك، قازاقستاندا كوروناۆيرۋس جۇقتىرعاندار سانى 685 ادامعا جەتتى.

اتاپ ايتقاندا، نۇر-سۇلتان قالاسى بويىنشا 222 ادام، الماتى قالاسىندا – 119 ادام، قاراعاندى وبلىسىندا - 55 ادام، اقمولا وبلىسىندا - 42 ادام، اتىراۋ وبلىسى - 32 ادام، جامبىل وبلىسىندا - 45 ادام، شىمكەنت قالاسىندا - 20 ادام، شىعىس قازاقستان وبلىسىندا - 6 ادام، الماتى وبلىسىندا - 10 ادام، اقتوبە وبلىسىندا - 11 ادام، سولتۇستىك قازاقستان وبلىسىندا - 25 ادام، پاۆلودار وبلىسىندا - 1 ادام، ماڭعىستاۋ وبلىسىندا - 5 ادام، قىزىلوردا وبلىسىندا - 54 ادام، باتىس قازاقستان وبلىسىندا - 2 ادام، تۇركىستان وبلىسىندا - 33 ادام، قوستاناي وبلىسىندا - 3 ادام تىركەلدى.

سوڭعى جاڭالىقتار