7 ءساۋىر, 11:29 2206 0 قوعام انار لەپەسوۆا

الماتى ماڭىندا 3 كۇندە 100 ورىندىق گوسپيتال تۇرعىزىلدى

الماتى ماڭىندا اسكەري-دالالىق گوسپيتال اشىلدى.

حابار 24 ارناسىنىڭ مالىمەتىنە قاراعاندا، ونى تۇرعىزۋعا بار-جوعى 72 ساعات قاجەت بولىپتى.

مەكەمە 100 توسەك-ورىنعا ارنالعان. وندا قابىلداۋ جانە دياگنوستيكالىق بولىمشەلەر، ءدارىحانا، وپەراتسيالىق بلوك پەن جان ساقتاۋ بولىمشەسى بار. سونداي-اق رەنتگەندىك تەكسەرۋ، وكپەنى جاساندى جەلدەتۋ قۇرالدارىمەن جابدىقتالعان.

جىلىتۋ جانە اۋا باپتاۋ جۇيەلەرى، تازالىق توراپتارى مەن جۋىنۋ بولمەلەرى دە قاراستىرىلعان. ال گوسپيتال جانىندا 300 ورىندىق ەكى عيمارات تا دايىن تۇر. وعان قوسا 500 ورىندىق شاتىرلى لاگەر اشىلعان. ولار كارانتين كەزەڭىندە پايدالانىلادى.

 

سوڭعى جاڭالىقتار