7 ءساۋىر, 09:16 348 0 جاھان انار لەپەسوۆا

كوروناۆيرۋس: ۇلىبريتانيا پرەمەر-ءمينيسترىنىڭ جاعدايى كۇرت ناشارلادى

كوروناۆيرۋسقا شالدىققان ۇلىبريتانيانىڭ پرەمەر-ءمينيسترى بوريس دجونسوننىڭ جاعدايى كۇرت ناشارلادى. 

جەكسەنبى كۇنى سەنت-توماس اۋرۋحاناسىنا جاتقىزىلعان ۇكىمەت باسشىسى قارقىندى تەراپيا بولىمىنە اۋىستىرىلدى، دەپ حابارلايدى Euronews.

ءبىر كۇن ىشىندە ساياساتكەردىڭ جاعدايى ناشارلاپ كەتكەننەن كەيىن دارىگەرلەر وسىنداي شەشىم قابىلداعان. بوريس دجونسون سىرتقى ىستەر ءمينيسترى دومينيك راابادان ەگەر قاجەتتىلىك تۋىنداسا، ۇكىمەت باسشىسىنىڭ مىندەتىن اتقارۋدى سۇراعان.

بۇعان دەيىن ۇلىبريتانيا پرەمەرى Twitter-دەگى پاراقشاسىندا جوسپارلى سىناما تاپسىرۋ ءۇشىن دارىگەرىنىڭ كەڭەسى بويىنشا اۋرۋحاناعا بارعانىن جازعان، سەبەبى پرەمەردە ءالى دە سىرقات بەلگىسى كەتپەگەن. ساياساتكەر ءوزىنىڭ جاقسى كوڭىل - كۇيدە ەكەنىن اتاپ ءوتتى.

سونداي-اق، دجونسون وزىنە جانە باسقا ادامدارعا كومەك كورسەتكەن دارىگەرلەرگە العىس ءبىلدىرىپ، بريتاندىقتاردى شەكتەۋ شارالارىن ساقتاۋعا شاقىردى.

بۇگىندە ۇلىبريتانيادا كوروناۆيرۋس جۇقتىرعاندار سانى 51 608 ادامعا جەتكەن. ەلدە ىندەتتەن 5373 ادام كوز جۇمدى.

ال قازاقستاندا  كوروناۆيرۋس ينفەكتسياسى 670 ادامنان انىقتالدى. ىندەتتەن 46 ادام ايىعىپ، 6 ادام كوز جۇمدى.

 

سوڭعى جاڭالىقتار