6 ءساۋىر, 10:41 676 0 جاڭالىقتار اسىل تۇمار

كارانتين: جالعان انىقتاما جاساتىپ العاندارعا قىلمىستىق ءىس قوزعالادى

سۋرەت عالامتوردان الىندى
سۋرەت عالامتوردان الىندى

كارانتين ەنگىزىلگەلى تالاپ-ەرەجەگە ءاتۇستى قاراپ جۇرگەندەر ءالى دە بار. وسىعان بايلانىستى الماتى قالاسىنىڭ جول پوليتسياسى اكىمدىك قىزمەتكەرلەرىمەن بىرگە رەيد جۇرگىزدى.

«ۇيدە بولىڭىز، سەبەپسىز ەشقايدا شىقپاڭىز» دەگەن سوزدەر كۇن سايىن كوگىلدىر ەكراننان دا، الەۋمەتتىك جەلىلەردەن ايتىلىپ تا، جازىلىپ تا جاتىر. بىراق ءالى دە ەسكەرتۋلەردى ەلەمەي، قاۋىپتى ىندەتكە كوز جۇما قاراپ جۇرگەندەر كوپ.

تەكسەرىس كەزىندە اركىم ءارتۇرلى سىلتاۋ ايتادى. كوپشىلىگىنىڭ قولىندا انىقتاما قاعازى بار. جول پوليتسياسى مەن اكىمشىلىك قىزمەتكەرلەرىنىڭ ارنايى جۇرگىزگەن رەيد ناتيجەسىندە بۇگىن 29 جەڭىل كولىك ايىپ تۇراعىنا قويىلسا، 177  ادام اكىمشىلىك جاۋاپكەرشىلىككە تارتىلدى. ال 16 ادام قاماۋعا الىندى.

الماتى قالاسى اكىمىنىڭ ءبىرىنشى ورىنباسارى ەرلان قوجاعاپانوۆ: «كەيبىر مەكەمە باسشىلارى تۋىستارىنا  انىقتاما جازىپ بەرگەن كورىنەدى. ەرتەڭنەن باستاپ بۇل انىقتامالار جارامايدى. بازادا مەديتسينا سالاسىندا ىستەيتىن، قۇقىق قورعاۋ ورىندارىندا ىستەيتىن ارىپتەستەرىمىز، كوممۋنالدىق جانە ازىق-تۇلىكپەن قامتيتىن كومپانيالار تولىعىمەن تىزىمگە كىردى. بۇل تىزىمدە بۇگىنگى تاڭدا 20 مىڭنان استام كولىك، 59 مىڭنان استام ازامات بار. بۇكىل بلوك-بەكەتتەر جۇمىسىن سول بازاعا قاراپ جۇمىس ىستەيدى»، – دەيدى.

تارتىپكە باعىنباعاي، ەرەجە بۇزعاندار قاتاڭ جازالانادى. ال ەگەر جالعان انىقتاما جاساتىپ الساڭىز، وندا جاعدايىڭىز مۇلدە قيىن. قىلمىستىق ءىس قوزعالىپ، جاۋاپقا تارتىلۋىڭىز دا ابدەن مۇمكىن.

سوڭعى جاڭالىقتار