5 ءساۋىر, 19:37 1096 0 ايماق انار لەپەسوۆا

7 ساۋىردەن باستاپ قاراعاندى وبلىسىندا تولىقتاي كارانتين ەنگىزىلەدى

2020 جىلدىڭ 7 ساۋىرىنەن باستاپ قاراعاندى وبلىسى بويىنشا كارانتين ەنگىزىلەدى. بۇل تۋرالى قاراعاندى وبلىستىق تاۋار مەن قىزمەت ساپاسى مەن قاۋىپسىزدىگىن باقىلاۋ دەپارتامەنتىنىڭ جەتەكشىسى قانات اسقاروۆ مالىمدەدى.

ونىڭ ايتۋىنشا، 7 ءساۋىر كۇنى ساعات 00.00-دەن باستاپ وڭىرگە كىرىپ-شىعۋ شەكتەلەدى.  قاراعاندى، اباي، ساران، شاحتينسك جانە تەمىرتاۋدا كارانتيننىڭ ەرەكشە ءتارتىبى بولاتىنى حابارلانىپ وتىر.

تۇرعىندار جۇمىسقا، ازىق-تۇلىك دۇكەنىنە، اسا قاجەتتىلىك بولعان جاعدايدا مەديتسينالىق مەكەمەلەرگە، ۇيدەن 500 مەتر راديۋسقا ءۇي جانۋارلارىمەن شىعۋعا جانە بانك وپەراتسيالارىن جاساۋعا عانا شىعا الادى.

كارانتيننىڭ ەرەكشە ءتارتىبى ەنگىزىلگەن ايماقتا بارلىق ۇيىمداردىڭ جۇمىسى توقتاتىلعان. تەك قالا تىرشىلىگىن قامتاماسىز ەتەتىن ۇيىمدار عانا قىزمەتىن جالعاستىرادى. كاسىپورىندارعا قىزمەتكەرلەر قىزمەت كولىگىمەن جەتكىزىلۋى ءتيىس ەكەندىگى ەسكەرتىلدى.

سونىمەن قاتار، وبلىس ارالىق، قالا ارالىق، اۋدان ارالىق جانە قالالىق جولاۋشىلار تاسىمالى ۋاقىتشا توقتايدى.

سوڭعى مالىمەتتەر بويىنشا، وڭىردە كوروناۆيرۋس جۇقتىرعانداردىڭ سانى 31-گە جەتتى. 

سوڭعى جاڭالىقتار