5 ءساۋىر, 19:10 2312 0 جاھان انار لەپەسوۆا

كوروناۆيرۋستان 5 جاسار ءبۇلدىرشىن كوز جۇمدى

ۇلىبريتانيادا سوڭعى تاۋلىكتە  كوروناۆيرۋستان 708 ادام كوز جۇمدى، ولاردىڭ اراسىندا 5 جاسار بالا دا بار.

ەلدىڭ دەنساۋلىق ساقتاۋ مينيسترلىگىنىڭ مالىمەتىنشە، ۇلىبريتانيادا ۆيرۋستان قايتىس بولعانداردىڭ جالپى سانى 4 320-عا جەتكەن. ال ىندەتتى  جۇقتىرعاندار سانى 42 مىڭ ادامنان اسقان.

بۋكينگەم سارايى كوروناۆيرۋستىق پاندەمياعا بايلانىستى ەليزاۆەتا II-ءنىڭ حالىققا ارنايى تەلەۆيزيالىق ۇندەۋ جازعانىن حابارلادى. بۇل ونىڭ 68 جىلدىق ەل باسقارۋىنداعى بەسىنشى ۇندەۋى بولماق، ەلدەگى جاعدايدىڭ كۇردەلىلىگىن وسىدان-اق اڭعارۋعا بولادى.

مەملەكەتتىڭ دەنساۋلىق ساقتاۋ ءمينيسترى مەتتيۋ حەنكوك ازاماتتاردى كارانتيندى ساقتاپ، ۇيدە وتىرۋعا شاقىردى.

"ادامداردىڭ باسىم كوپشىلىگى كەڭەستەردى باسشىلىققا الىپ، ۇيدەن شىقپاي وتىر. دەگەنمەن كارانتين ءتارتىبىن بۇزاتىندار ءالى دە بار. ولار قانداي دا ءبىر قاجەتتىلىكسىز كوشەگە ءجيى شىعادى. مەن بۇل ەسكەرتۋلەر جايىندا ءجيى ايتا دا بەرگىم كەلمەيدى، سەبەبى تۇتاس ەل بۇل داعدارىستان تەزىرەك شىققىسى كەلەدى", - دەدى مينيستر.

ايتا كەتەيىك، بۇعان دەيىن يسپانيادا دا ىندەت جۇقتىرعاندار اراسىندا ءولىم كورسەتكىشى ارتقانىن حابارلاعانبىز. ەلدە كوروناۆيرۋستان 11 025 قايتىس بولدى. بۇل كورسەتكىش جونىنەن يسپانيا ەۋروپا بويىنشا ءۇشىنشى ورىنعا شىقتى.

 

 

سوڭعى جاڭالىقتار