1 ءساۋىر, 20:40 596 0 ەكونوميكا انار لەپەسوۆا

«Birgemiz» قورىنا تۇسكەن قارجى كولەمى جاريالاندى

قر اقپارات جانە قوعامدىق دامۋ ءمينيسترى داۋرەن اباەۆ «Birgemiz» قورىنا قانشا قارجى تۇسكەنىن مالىمدەدى. 

«Birgemiz» قورىنا توقتالساق، بۇگىندە قورعا 13 ملرد تەڭگە ءتۇستى. قارجى اشىقتىعىن قامتاماسىز ەتۋ ءۇشىن بارلىق وڭىردە قور وكىلدىكتەرى اشىلدى»، - دەدى مينيستر «حابار 24» تەلەارناسىنىڭ تىكەلەي ەفيرىنەن.

مينيستر قوردىڭ سايتى ىسكە قوسىلعانىن اتاپ ءوتتى. «وندا كەلىپ تۇسكەن قاراجات پەن شىعىندار جاريالانادى، ءتىپتى، چەكتەرگە دەيىن كورسەتىلەدى. قازىر ءار وڭىردە كومەككە مۇقتاج ادامداردىڭ ءتىزىمى جاسالۋدا. ولار جاقىن ۋاقىتتا قوردان كومەك الادى»، - دەدى داۋرەن اباەۆ.

ايتا كەتەيىك، ەلباسى باستاماسىمەن قۇرىلعان «Birgemiz» قوعامدىق قورىنا ەلىمىزدىڭ بارلىق وڭىرىنەن قايىرىمدىلىق رەتىندە قاراجات ءتۇسىپ جاتىر. بۇعان دەيىن «Birgemiz» قوعامدىق قورى ۇستاناتىن نەگىزگى 10 قاعيدا جاريالانعان ەدى.

 

سوڭعى جاڭالىقتار