29 ناۋرىز, 17:07 1268 0 دەنساۋلىق انار لەپەسوۆا

عالىمدار كوروناۆيرۋستىڭ بەلسەندىلىگى ارتاتىن تەمپەراتۋرانى اتادى

كوروناۆيرۋس شامامەن ءتورت گرادۋستىق تەمپەراتۋرا كەزىندە ۇزاققا دەيىن بەلسەندىلىگىن ساقتايدى. ەگەر زارارسىزداندىرۋ جۇمىستارى جۇرگىزىلمەسە، ەكى اپتادان كەيىن عانا ۆيرۋستىڭ كۇشى جويىلا باستايدى. بۇل تۋرالى گونكونگ ۋنيۆەرسيتەتىنىڭ MedRxiv پورتالىندا جاريالانعان زەرتتەۋىندە ايتىلعان.

عالىمداردىڭ ايتۋىنشا، جاڭا ۆيرۋس جوعارى تەمپەراتۋراعا ءتوزىمسىز. ماسەلەن، 70 گرادۋس كەزىندە ونىڭ بەلسەندىلىگى بەس مينۋتتان اسپايدى.  

سونداي-اق، ماماندار ۆيرۋستىڭ ءار ءتۇرلى زاتتاردا ساقتالۋ ۇزاقتىعىن زەرتتەپ كوردى. كوروناۆيرۋس قاعازدا ءۇش ساعاتتان ارتىق ءومىر سۇرسە، كيىم مەن اعاش بۇيىمداردا ەكى كۇن، ال اينەكتە ءتورت كۇن، پلاستيكتە جەتى كۇنگە دەيىن ساقتالاتىنى انىقتالدى.

SARS-CoV-2 ۆيرۋسى مەديتسينالىق ماسكالاردا جەتى كۇنگە دەيىن بەلسەندىلىگىن جويمايتىنى بەلگىلى بولىپ وتىر. سوندىقتان ماماندار قورعانىس قۇرالدارىن ۇنەمى زارارسىزداندىرۋ قاجەتتىگىن ەسكەرتەدى.

ايتا كەتەيىك، سوڭعى دەرەك بويىنشا ەلىمىزدە كوروناۆيرۋس جۇقتىرعاندار سانى 265 ادامعا جەتتى.

ال الەمدە ىندەتكە شالدىققاندار سانى 670 مىڭنان اسىپ جىعىلدى. كەسەل 31 مىڭعا جۋىق ادامنىڭ ءومىرىن قيدى.

سوڭعى جاڭالىقتار