29 ناۋرىز, 16:17 410 0 قاۋىپسىزدىك انار لەپەسوۆا

قوستاناي وبلىسى اۋماعىنا كىرۋگە شەكتەۋ ەنگىزىلەدى

قوستاناي وبلىس اكىمى ارحيمەد مۇحامبەتوۆتىڭ توراعالىعىمەن كوروناۆيرۋستىق ينفەكتسيانىڭ پايدا بولۋى مەن تارالۋىنا جول بەرمەۋ جونىندەگى شتابتىڭ شۇعىل وتىرىسى ءوتتى. 

بۇل تۋرالى وبلىس اكىمى الەۋمەتتىك جەلىدەگى پاراقشاسىندا حابارلادى. 

شتاب وتىرىسى بارىسىندا جاۋاپتى مەملەكەتتىك ورگانداردىڭ باسشىلارى ارحيمەد مۇحامبەتوۆكە وڭىردەگى قازىرگى جاعدايدى باياندادى.

«بارلىق قاجەتتى سانيتارلىق-ەپيدەميولوگيالىق ءىس-شارالار وتكىزىلۋدە. كەڭەس قورىتىندىسى بويىنشا كوروناۆيرۋستىق ينفەكتسياعا جول بەرمەۋ شارالارىن كۇشەيتۋ تۋرالى شەشىم قابىلدادىق. سونداي-اق، 31 ناۋرىزدا ساعات 22.00-دەن باستاپ 10 وتكىزۋ بەكەتىن قويا وتىرىپ، قوستاناي وبلىسىنىڭ اۋماعىنا كىرۋگە شەكتەۋ ەنگىزىلەدى»،- دەپ جازدى ءوڭىر باسشىسى.

بۇعان دەيىن قاراعاندى وبلىسىنىڭ بىرنەشە قالاسى كارانتينگە جابىلاتىنىن حابارلادىق.

 

سوڭعى جاڭالىقتار