29 ناۋرىز, 13:44 2843 0 ەكونوميكا انار لەپەسوۆا

نۇر-سۇلتان مەن الماتىدا بانكتەر قالاي جۇمىس ىستەيدى؟

نۇر-سۇلتان مەن الماتى قالالارىندا 30 ناۋرىزدان 5 ساۋىرگە دەيىن ەكىنشى دەڭگەيلى بانكتەر جۇمىسىن توقتاتادى. بۇل تۋرالى  قر ۇلتتىق بانكتىڭ ءباسپاسوز قىزمەتى حابارلادى. 

اتالعان مەرزىم ارالىعىندا نۇر-سۇلتان مەن الماتىدا ورنالاسقان ەكىنشى دەڭگەيلى بانكتەردىڭ كاسسالىق-ەسەپتىك بولىمدەرىنىڭ جۇمىسى توقتاتىلادى. وسى ۋاقىت ارالىعىندا زاڭدى جانە جەكە تۇلعالاردان تولەم قابىلداۋ جانە اقشا اۋدارۋ ينتەرنەت، ءموبيلدى بانكينگ ارقىلى قاشىقتىقتان جۇزەگە اسىرىلادى.

قولما-قول اقشانى الۋعا، قولما-قول اقشاسىز ەسەپ ايىرىسۋعا جانە جەكە تۇلعالاردىڭ بانكتىك شوتتارىن تولتىرۋعا ارنالعان بانكوماتتار مەن تەرمينالداردىڭ جۇمىس ىستەۋىن بانكتەر ادەتتەگىدەي قامتاماسىز ەتەدى.

«قازاقستان رەسپۋبليكاسى ۇلتتىق بانكىنىڭ قازاقستاندىق بانكارالىق ەسەپ ايىرىسۋ ورتالىعى» رمك بانكتەردىڭ، قازىناشىلىق كوميتەتىنىڭ جانە نارىقتىڭ باسقا قاتىسۋشىلارىنىڭ تولەمدەرىن وڭدەۋدەگى جۇمىسى شتاتتىق رەجيمدە جۇزەگە اسىرىلادى.

 

سوڭعى جاڭالىقتار