28 ناۋرىز, 19:03 505 0 جاڭالىقتار اسىل تۇمار

Birgemiz قورىنا 9,5 ميللياردتان كوپ قارجى تۇسكەن

سۋرەت عالامتوردان الىندى
سۋرەت عالامتوردان الىندى

Birgemiz قوعامدىق قورىنىڭ توراعاسى رۋسلان ساكەەۆ 28 ناۋرىز ساعات 17.00-دە قوردىڭ ەسەپ-شوتىنا 9 500 436 305 تەڭگە تۇسكەنىن حابارلادى.

ونىڭ ايتۋىنشا، قارجى اۋدارۋشىلار – «قازاقمىس كورپوراتسياسى» جشس مەن  ع.ش.ەسەنوۆ باسقارىپ وتىرعان اتف بانك، باسقا دا كومپانيالار مەن جەكە ازاماتتار دا بار.

«قارجىنىڭ بارلىعى ەرىكتى تۇردە جينالاتىنىن ايتقىمىز كەلەدى. مەملەكەتتىك ۇيىمداردان قاراجات المايمىز. قازىرگى ۋاقىتتا كومەك الۋشىلاردى ناقتىلاپ جاتىرمىز. بۇل رەتتە اقشانىڭ قايدا جۇمسالعانىن اشىق جاريالاۋعا ەرەكشە كوڭىل بولىنەدى»، – دەيدى رۋسلان ساكەەۆ.

ەسكە سالا كەتەيىك، ەلباسىنىڭ تاپسىرماسىمەن ءبىرىنشى بولىپ Birgemiz قوعامدىق قورىنا تۇڭعىش پرەزيدەنت قورى قازاقستانداعى كوروناۆيرۋس ينفەكتسياسىمەن كۇرەسۋ ءۇشىن 200 ميلليون تەڭگە ءبولدى. Nur Otan پارتياسى 150 ميلليون تەڭگە اۋدارعان بولاتىن.

سوڭعى جاڭالىقتار