28 ناۋرىز, 16:36 438 0 جاڭالىقتار اسىل تۇمار

«Birgemiz-Mangystau» العاشقى ايماقتىق قورى تىركەلدى

تۇڭعىش پرەزيدەنت نۇرسۇلتان نازارباەۆتىڭ باستاماسىمەن كوروناۆيرۋسپەن كۇرەس جاعدايىندا تۇرعىنداردىڭ الەۋمەتتىك ءالسىز توپتارىنا قولداۋ كورسەتۋ ءۇشىن قۇرىلعان «BIRGEMIZ» رەسپۋبليكالىق قوعامدىق قورى ماڭعىستاۋ وبلىسىندا «Birgemiz-Mangystau» العاشقى ايماقتىق قورى قۇرىلعانىن حابارلادى.

«BIRGEMIZ» رەسپۋبليكالىق قوعامدىق قورىنىڭ توراعاسى رۋسلان ساكەەۆتىڭ ايتۋىنشا، دەمەۋشىلىك قاراجاتتىڭ اشىق جانە ءادىل ءبولىنۋىن قامتاماسىز ەتۋ ءۇشىن، وڭىرلەرگە جينالعان قايىرمالدى قازىرگى تاڭدا جۇمىس ىستەپ جاتقان قورلارعا جيناۋعا تىيىم سالىنىپ، جاڭادان قور تىركەۋ ۇسىنىلعان. ال قور قىزمەتىن باقىلاۋدى قامتاماسىز ەتۋ ءۇشىن، ءار ايماقتا قوعام بەلسەندىلەرىنىڭ قاتىسۋىمەن تەكسەرۋ كوميسسياسى جانە قامقورشىلار كەڭەس قۇرىلادى.

«كۇن سايىن ەلورداعا ءاربىر وڭىرلىك قوردان تۇسكەن جانە جۇمسالعان قاراجات، كومەك كورسەتىلگەندەردىڭ سانى، ازىق-تۇلىك جانە سانيتارلىق-گيگيەنالىق سەبەتتەردىڭ قۇرامى، بارلىق قارجىلىق راستاۋشى قۇجاتتارى جانە ت.ب. تۋرالى اقپارات بەرىلىپ وتىرادى. ءارى قاراي ءبىز اپتا سايىن ءار ايماق بويىنشا ەسەپتى رەسمي سايتتا جانە الەۋمەتتىك جەلىلەردە جاريالاپ وتىرامىز»، - دەدى رۋسلان ساكەەۆ.

جالپى، بۇگىنگە دەيىن قوردىڭ ەسەبىنە 9 ملرد. 500 ملن. تەڭگەدەن استام قارجى ءتۇستى. قازىرگى ۋاقىتتا كومەككە مۇقتاج ازاماتتاردىڭ ساناتتارى مەن تىزىمدەرىن ناقتىلاۋ جۇمىستارى جۇرگىزىلۋدە.

«بارلىق قايىرىمدىلىقتىڭ تەك ەرىكتى نەگىزدە جاسالاتىنىن تاعى دا ەسكە سالعىم كەلەدى. بيۋدجەتتىك مەكەمەلەردەن، سونداي-اق، ازاماتتاردىڭ ەڭبەكاقى قورىنان اۋدارىمدار بىزگە تۇسكەن جوق، مۇنداي قارجىنى قابىلدامايمىز. قوردىڭ بارلىق تولەمدەرى، ترانزاكتسيالار مەن ەسەپ ايىرىسۋلار تەك قولما-قول اقشاسىز ۇلگىدە جۇرگىزىلەدى»، – دەدى ول.

وسى ورايدا، مەملەكەت باسشىسى قاسىم-جومارت توقاەۆتىڭ باستاماسىمەن قولعا الىنعان «ءبىز بىرگەمىز!» رەسپۋبليكالىق اكتسياسى اياسىندا، «كەدەرگىسىز كەلەشەك»، «باقىتتى وتباسى» جانە «ارداگەرلەردى ارداقتايىق» پارتيالىق جوبالارى ارقىلى حالىقتىڭ ءتۇرلى توپتارىنا الەۋمەتتىك كومەك كورسەتۋ جۇمىستارى وسى قور قۇرىلعانعا دەيىن باستالعانىن ايتا كەتۋ كەرەك.

ەلباسىنىڭ تاپسىرماسىمەن «Nur Otan» پارتياسى كارانتين جاريالانعان نۇر-سۇلتان جانە الماتى قالالارىنداعى جالعىزباستى قارتتارعا، مۇگەدەكتەرگە جانە تۇرمىسى تومەن كوپبالالى وتباسىلارعا اتاۋلى كومەك كورسەتۋ ءۇشىن 150 ملن. تەڭگە ءبولدى. كوروناۆيرۋس ىندەتىنىڭ تارالۋىنا قارسى كۇرەسكە تۇڭعىش پرەزيدەنت قورىنان تاعى دا 200 ملن تەڭگە باعىتتالدى.

بولىنگەن قاراجاتتىڭ ارقاسىندا پارتيا بەلسەندىلەرى مەن «Jas Otan» ۆولونتەرلارى كۇن سايىن حالىقتىڭ الەۋمەتتىك ءالسىز توپتارىن انتيسەپتيكالىق جانە گيگيەنا قۇرالدارىمەن، ءبىرىنشى كەزەكتە قاجەت ازىق-تۇلىك پەن باسقا دا تاۋارلارمەن بايلانىسسىز تاراتۋ جولىمەن قامتاماسىز ەتۋدە.

«Nur Otan» مەن «Jas Otan»-نىڭ ءدال وسى تاجىريبەسىن ءبىز كوروناۆيرۋستىڭ تارالۋى  كەزىندە ەڭ مۇقتاج ادامداردى قولداۋ ءۇشىن، ءوزىمىزدىڭ جانە ايماقتىق قورلاردىڭ جۇمىسىندا باسشىلىققا الىپ، پايدالانىلاتىن بولامىز»، – دەدى رۋسلان ساكەەۆ.

سوڭعى جاڭالىقتار