28 ناۋرىز, 14:40 2632 0 جاڭالىقتار اسىل تۇمار

توتەنشە جاعداي: جۇمىسسىز قالعاندار جاردەماقى الۋ ءۇشىن قايدا ءوتىنىش جىبەرۋى كەرەك؟

سۋرەت عالامتوردان الىندى
سۋرەت عالامتوردان الىندى

توتەنشە جاعداي سالدارىنان تابىسىنان ايىرىلعان ادامدارعا 1 ايلىق ەڭبەكاقى مولشەرىندە تولەم جاسالادى. بۇل تۋرالى نۇر-سۇلتان قالاسى اكىمدىگىندە وتكەن ونلاين كونفەرەنتسيادا ايتىلدى، – دەپ جازدى قازاقپارات.

«بيىل 23 ناۋرىزدا مەملەكەت باسشىسى قاسىم-جومارت توقاەۆ توتەنشە جاعداي تۋرالى مەملەكەتتىك كوميسسيا وتىرىسىندا توتەنشە جاعداي سالدارىنان تابىسىنان ايىرىلعان ادامدارعا 1 ايلىق ەڭبەكاقى مولشەرىندە تولەم جاساۋدى تاپسىردى. بۇل تولەم اشىق وتەدى جانە رەسمي جۇمىس ىستەگەن ادامدارعا تولەنەتىن بولادى. قر ەڭبەك جانە حالىقتى الەۋمەتتىك قورعاۋ مينيسترلىگى وسىعان وراي ءتيىستى ەرەجە قابىلدادى»، – دەيدى نۇر-سۇلتان قالاسى جۇمىسپەن قامتۋ جانە الەۋمەتتىك قورعاۋ باسقارماسىنىڭ باسشىسى ساۋلە نۇرعوجينا.

ول اتالعان الەۋمەتتىك تولەمدى كىمدەر الا الاتىنىن ايتتى.

«الەۋمەتتىك تولەمدى ورتا جانە شاعىن بيزنەس سۋبەكتىلەرىندە جۇمىس ىستەيتىندەر، جۇمىسى توقتاپ قالعان جەكە كاسىپكەرلەر الا الادى. تولەمدى الۋ ءۇشىن توتەنشە جاعداي رەجيمى ەنگىزىلگەنگە دەيىنگى 12 اي ىشىندە مەملەكەتتىك الەۋمەتتىك ساقتاندىرۋ قورىنا كەم دەگەندە ءۇش اي تولەم اۋدارىلعان بولۋى كەرەك. تولەم الۋ تۋرالى ءوتىنىش جۇمىس بەرۋشىگە ەلەكتروندى ۇكىمەتتىڭ ۆەب-پورتالى ارقىلى جىبەرىلەدى. ول ءۇشىن قاجەتتى قۇجاتتاردىڭ سكانەرلەنگەن نۇسقاسى مەن ەلەكتورندى قولتاڭبا كەرەك»، – دەيدى ول.

سوڭعى جاڭالىقتار