28 ناۋرىز, 13:24 385 0 جاڭالىقتار اسىل تۇمار

كوروناۆيرۋس: ەلوردادا قوسىمشا دياگنوستيكا ءبولىمى اشىلدى

سۋرەت عالامتوردان الىندى
سۋرەت عالامتوردان الىندى

ورتالىق جول اۋرۋحاناسىنىڭ تەراپيالىق كورپۋسىندا دياگنوستيكا جاسايتىن قابىلداۋ ءبولىمى ۇيىمداستىرىلدى. بۇل تۋرالى حابار 24 ارناسىندا وتكەن ونلاين بريفينگتە ايتىلدى.

«27 ناۋرىزدان باستاپ ورتالىق جول اۋرۋحاناسىنىڭ تەراپيالىق كورپۋسىندا دياگنوستيكا جاسايتىن قابىلداۋ ءبولىمى ۇيىمداستىرىلدى. ول پۋلمونولوگيالىق دەرتى بار ادامدارعا ارنالعان. ول جەردە تىنىس الۋ جولدارىندا اۋرۋلارى بار ادامدارعا قوسىمشا دياگنوستيكا جاساپ، كوروناۆيرۋس بار-جوعى جانە ەمدەۋ جولدارى انىقتالادى. وسى ماقساتتا پۋلمونولوگيا ءبولىمى 150 توسەككە كوبەيتىلدى»، – دەدى نۇر-سۇلتان قالاسىنىڭ قوعامدىق دەنساۋلىق ساقتاۋ باسقارماسىنىڭ باسشىسى ساۋلە قيسىقوۆا.

سونداي-اق، ەلوردادا كوروناۆيرۋستىڭ الدىن الۋ ءۇشىن وبسەرۆاتوريالىق ەمحانا ۇيىمداستىرىلدى.

«№2 قالالىق ەمحانا بازاسىندا وبسەرۆاتسيالىق ەمحانا ۇيىمداستىرىلدى. بۇل جەرگە ءبىر اۋىسىمدا 150 ادام قارالا الادى. اتالعان ەمحانادا كوروناۆيرۋسپەن اۋىرۋى مۇمكىن ادامدارعا دياگونوستيكا جاسايدى»، – دەدى ساۋلە قيسىقوۆا.

ونىڭ ايتۋىنشا، بارلىق قالالىق كوپسالالى اۋرۋحانالاردىڭ اكۋشەرلىك بلوكتارىندا بوسانۋ ورىندارى ۇيىمداستىرىلدى.

سوڭعى جاڭالىقتار